تخار ولایتینینگ محلی یوقاری مرتبهلی مسووللری، چمهسی بیر ییلدن بیری تخار ولایتینینگ خواجه غار و قندوز ولایتینینگ دشت ارچی تومنی چیگره سیده محلی پولیس بیلن جنگرلر اورته سیده اوروش جریانی بارلیگینی ایتگنلر.
رسمیلرگه کوره، حاضرگی کونده قندوز ولایتی دشت ارچی ولسواللیگی نینگ کته قسمی داعش و اونگه همکار گروهلر آرقهلی اداره ایتیلهدی. تخار پولیس قوماندانی، هوا ایسیب باریشی بیلن، اوروش هم شددت آلیشینی ایتگن. خواجه غار و گورتپه ولسواللیگی نینگ مومن آباد منطقه سینی یقیندن کوزهتگن حاجی آغا داوودنینگ ایتیشیچه، جنگریلر بعضی پیتلر ملاعمر رهبرلیگیدهگی طالبلر بیراغی گاهیده داعش نینگ قاره بیراغینی کوتاره دیلر. اونینگ معلوم قیلیشیچه، محلی جنگریلر ایچیده ایریم پیتلرده خارجی عصیانچیلرهم کوزهتیلهدی.
حاجی داوود، جنگریلر آغیر و یینگیل قورال ییراقلر بیلن جهازلنگن لیکلرینی بیلدیرگن. شونینگدیک خواجه غار ولسواللیگیده 30 نفرلیک محلی پولیس نینگ قوماندانی معروف احمدی، قندوز ولایتی دشت ارچی ولسواللیگیده جنگریلرنینگ مرکزی داعش گروه نینگ قوماندانلری آرقهلی تیرگاو ایتیلگندن کیین جنگریلر داعش بیراغینی کوتارگنلیکلرینی ایتگن.
شونینگدیک جناب احمدی، محلی پولیس کوچلری ییترلی درجهده قورال ییراقلر بیلن جهازنلمه گنلیکلرینی معلوم قیلگن. اما داوود، مذکور منطقه لردن قوراللی طالبلر تازه لهنیشی اوچون تیزلیکده ییریک حربی عملیات اوتکزیلیشینی بیلدیرگن.
عین حالده، داوود جنگریلر ملی کوچلر مقابلیده توریب اوروش قیلیش کوچیگه ایگه ایمس لیکلرینی تیلگه آلگن.
مذکور ولایت امنیتی مسؤوللری نینگ ایتیشلریچه، جنگریلر خواجه غار ولسواللیگی نینگ 3 کیلومتر باسیب بو تامانگه اوتگنلر؛ لیکن، تخار ولایت امنیه قوماندانلیگی نینگ سرپرستی، محلی پولیس نینگ مشکللری تیزلیک ده برطرف ایتلیشیدن سوز بیرگن.
باشقه بیر تاماندن، معروف احمدیگه کوره، ادارهسی آستیده بولگن محلی پولیس کوچلری تورت آیدن بیری آیلیک آلمهگنلر. بیراق، ولایت امنیه قوماندانی، محلی پولیس نینگ آیلیگی تیزلیکده تولهنیلیشینی ایتگن.
عین حالده، جان و مالیدن تشویش بیلدیرگن خواجه غار تومنی نینگ اهالی سیگه کوره، سونگی کونلرده اوروش ایریم تومنلرده کوپیگن. ایتیلیشیچه، محلی پولیس بیلن جنگریلر اورته سیده فقط 300 متر فاصله موجود.
1390-ییلده طاهر یولداش ییتکچیلیگیدهگی اوزبیکستانلیک، چیچنلیک و محلی جنگریلر، انه شو یول بیلن کوکچهگه اوتگنلر. مذکور منطقه ده پامیر 303 زون قوماندانی شهید جنرال داوود باشچیلیگیده آلیب باریلگن حربی عملیات 40 کون دوام تارتیب، نهایتده کوکچه منطقه سیده عصیانچی گروه نابود ایتیلیشی بیلن اوز پایانیگه ییتگن ایدی.
