سیلاولر تیزیمیگه اصلاحات کیریتیش کمیسیون باشلیغی شاهسلطان عاکفی، اوتگن سیلاولرده تقلبگه قول اورگنلیکده عیبلنگن شخصلر هیچ بیری محاکمه بولمهگن لیکلرینی ایتگن.
اوتگن ییل افغانستان جمهور رییسلیک سیلاولریده کینگ کولمده تقلب یوز بیرگنلیگی ادعا قیلینگندن سونگ، مملکتده ملی بیرلیک حکومت تشکیل ایتیلیشیگه سبب بولدی.
بوگون سنا مجلسینینگ نمایندهلری بیلن مطبوعات انجمنی اوتکزگن سیلاولر تیزیمیگه اصلاحات کیریتیش کمیسیون باشلیغی جناب عاکفی، سیلاولر کمیسیونلری هیچ کیمگه جوابگر ایمس و کیلهجکده اهالیگه جواب بیریشی کیرهک دیگن.
بو موضوع توغریسیده تاکیدلهگن سنا مجلسینینگ اعضالریگه کوره، کمیسیونلرنینگ قانونی صلاحیتلری چیکلنتیریلیب، بولر کیلهجکده ایکی مجلسگه جواب بیریشی شرط.
مذکور سناتورلرگه کوره، سیلاولرده تقلب قیلگنلر محاکمه بولگنده ایدی، سیلاولرده باشقه کیشیلرگه ساخته کارلیک قیلیش اوچون جرئت قالمس ایدی. اولر حاضرگی کونده سیلاولر تقلبچیلری اوچون ایشلب چیقاریلگن قانونده نظرده توتیلگن جزا اولرنی فساد و ساخته کارلیک قیلیشلری آلدینی آلیش اوچون ییرتلی ایمس و تقلبچیلر جدی جزالهنیشی اوچون آغیراق قانون انابتگه آلینیشی شرط.
شونینگدیک اولرنینگ سوزلریگه قرهگنده اوتگن ییللرده افغانستانده «فرهنگ معافیت» موجود بولگن مذکور فرهنگ «قانون بوزوچیلر» اورتهدن کوتاریلیشی لازم.
عین حالده، سیلاولر تیزیمیگه اصلاحات کیریتیش کمیسیون رییسی اهالی فکرینی اورگهنیش اوچون هنوزگچه مملکتنینگ ییتی ولایتیگه سفر قیلیش گه بوفق بولگن لیکلرینی بیلدیرگن.
عاکفیگه کوره، مذکور ولایتلرنینگ اهالیسی سیلاولر تیزیمیگه اصلاحات کیریتیش اوچون بیر خیل نظرلری بولگن. اونینگ سوزلریگه کوره، اهالی اوتگن سیلاولرده ایریم قیین چیلیکلر بیلن دوچار بولگنلر، لیکن هیچ بیر معمالریگه اعتبار قرهتیلمهگن.
عین حالده، جناب عاکفی بو توغریده کابلده جهادیلر بیلن هم اوچرهشیب ملاقات قیلگن و سیلاولر تیزیمیگه اصلاحات کیریتیش اوچون افغانستانلیک سناتورلرنینگ هم نظری آلینهدی.
سیلاولر تیزیمیگه اصلاحات کیریتیلیشینی خوش قرشیلهگن سناتورلر، سیلاولر کمیسیونلریگه جدی شکلده اوزگریش کیریتیلیشینی سورهگنلر.
اولرگه کوره، اوتگن سیلاولرده یوز بیرگن تلقبلرنینگ اساسی عاملی حاضرگی سیلاولر چیپتهلری دیر و مذکور کارتلر قیته کوریب چیقیلیشگه احتیاج بار.
شونینگدیک برقی کیملیکلر ترقتیلیشی کیینگه قالدیریلگنلیگینی تنقید قیلگن سناتورلرگه کوره، حکومت مذکور برقی کیملیکلر ترقه تیلیشی اوچون حاضرگه قدر عملده بو لایحهنی باشلمهگن و حکومت بو لایحهنی باشلهگن حالده ایدی، حاضرگچه کوپچیلیک معمالر حل ایتیلردی.
جناب ایزدیار، سیلاولر مستقل کمیسیونی عملده ایرکین، حرفهیی، طرفسیز و نا سیاسی بولیش شرط لیگی توغریسیده تاکیدلهگن.
اونگه کوره، حاضرگی سیلاولر قانونیگه قرهگنده صلاحیتلر« چیکسیز» شکلده سیلاولر کاتبلیگی کمیسیونیگه بیریلگن و بو موضوع ایسه اولرنی آچیق قوللیک بیلن تقلب گه قول اوریشلریگه باعث بولهدی.
افغانستان سنا مجلسینینگ اورین باسری سیلاولر تیزیمی کوپچیلیکدن مختلط گه اوزگریب سیکین – سیکین سیاسی حزبلرنینگ جایگاهی سیلاولرده برجسته بولیشی کیرهک دیگن.
اونگه کوره، افغانستانده حاضرگی سیاسی حزبلر قومی بولگنلیگیدن علاوه فردی بولیب قالگن.
سیلاولرگه اصلاحات کیریتیش تیزیمی جمهور رییس غنی و عبدالله عبدالله اورتهسیده آلیب باریلگن اوزاق مدتلی تارتیشوولردن کیین نهایت نیچه کون آلدین اوز ایشیگه باشلهدی. بو کمیسیون کیلگوسی سیلاولرده تقلب و ساختهکارلیک یوز بیرمسلیگی اوچون افغانستان سیلاولر مستقل کمیسیونیگه اصلاحات کیرتیشی کوتیلهدی.
