کابلده اونینچی حوزه و میدان وردک ولایتیده ینگیدن حربی اکادمی نی بیتیرگنلر کاروانیگه قرشی صادر ایتیلگن هجوم و یاروغلیک حرکتینینگ ایکینچی مرته خیابانلرده اوتکزگن نمایش جریانیده یوز بیرگن خودکش جاری ییلدهگی اینگ قانلی حادثه سنهلهدی. اما بو مدنی حرکت ضدر یوز بیرگن بیرینچی انتحاری هجوم بولدی.
دهمزنگ ده یوز بیرگن پارتلش اعتراضچیلر یول یوریشگه پایان بیریب تحصن اعلان قیلیش اوچون خیمه تیکله یاتگن بیر پیتده صادر ایتیلدی. خودکش هجومچیلرنینگ اینگ یقینیده بولیب تیریک قالگنلرنینگ سلام وطندارگه ایتیشلریچه، تصورلر قیلینمیدیگن نطقهده بولگن بیر چاغده پارتلش یوز بیرگن.
حادثهده یرهلنگنلردن بیری محمدلطیفنینگ سوزلریگه کوره، تورموش اورتاغی یگانه فرزندی بیلن اوشبو اعتراضگه اشتراک قیلگن. او، اون یاشیده بولگن اوغلینی سوو ساتیب آلیش اوچون یوبارگنده بیرینچی پارتلش یوز بیردیدی. لطیفگه کوره، تیزده اوزیگه کیلیب فرزندینی قیدیریشگه باشلهگن. ایکینچی پارتلش یوز بیریشی بیلن اوزینی شفاخانهده تاپگن لیگینی ایتهدی محمد لطیف.
اونینگ سوزلریگه کوره، حادثه دن کیین باشقه هیچ نرسهنی بیلمیدی. باشقه قطار یره لنگنلرگه کوره، بیرینچی پارتلش یوز بیرگن دن کیین محلده اوق اوزیش آوازی ایشیتیلگن. لطیف، تورموش اورتاغی ییلکه سیدن تن جراحتی آلگن لیگینی ایتهدی. هلی اونینگ تورموش اورتاغی نینگ سالیق وضعیتی یخشی.
محمدسالم تعلیم و تربیه بیلیم یورتی نینگ محصللی، سیناونی اوتکزگندن سونگ اعتراضچیلرگه قوشیلگن لیگینی ایتهدی. اونگه کوره، نمایشچیلر کابل نینگ دهمزنگ منطقهسیده توپلهنیب تورگنلر، بیر کیشی آوقت ییش بیلن بند بولسه – ده ایکینچی سی تحصن خیمهسینی تیکلش بیلن مصروف بولگن.
حادثهده یره لنگنلر دن باشقه بیری ایسه لیلا دیر. اونگه کوره، فرزندیگه سوو آلیب بیریش نیتیده پارتلش یوز بیرگن نقطه دن بیر قنچه اوزاق ده بولگن ده خودکش یوز بیره دی. او، سوو آرتیدن کیتمهگن حالده، حاضر اسمی قربانلر رویخطیگه آلینگن بولردی.
سلاموطندارگه صحبت بیرگن استقلال شفاخانهسینینگ باشلیغی محمد صابر نصیبگه کوره، پارتلش نینگ بیرینچی دقیقه لریده یره لنگن 88 کیشی و قربان بولگن 17 نفر بو شفاخانه گه آلیب کیلینگن. بیر قنچهسی یخشی بولگن دن کیین رخصت ایتیله دی دیدی داکتر.
اوشبو پارتلش مسوولیتینی داعش حرکتی اوز ذمه سیگه آلگن. اوچ نفردن عبارت خودکش هجومچیدن بیرتهسی کوپچیلیک ایچیده اوزینی پارتلهتیب ایکینچیسی ایسه ادهشیب هلاک بولگن و اوچینچیسی ملی پولیس تامانیدن تانیلیب اولدیریلهدی.
حادثه جدی عکس العمللرگه روپه ره بولدی. جمهور رییس غنی خبری بیر انجمن اوتکزیب مخصوص کمیسیون ایجاد ایتیلیشیگه بویروغ بیردی. اوشبو کمیسیون اوچون دولت باشقرهلاوچیلیک ادارهسی رهبرلیک قیلهدی.
واقعهنی جدی قارهلهگن اجراییه ریاستینینگ باشلیغی عبداللهعبدالله ملی کوچلردن بار امکانیتلردن فایدهلهنیب حادثه عامللرینی قولگه آلیش اوچون جدی سعی و حرکت قیلیش لرینی طلب قیلگن.
