آتی فاش ایتیلیشی نی ایستمهگن محلی بیر منبع نینگ سلاموطندارگه ایتیشیچه، اوتگن کیچه طالبان ایکی تانک آرقلی جوزجان ولایتی خانقاه تومنی نینگ شاهمیرزا قیشلاغیده جایلشگن خوفسیزلیک قوشمه پایگاهی که کیریب و مذکور پایگاه نینگ برچه عسکرلرینی اوققه توتگنلر.
منبع گه کوره، اوشبو حادثه نتیجهسیده، امنیتی کوچلردن 17 تهسی هلاک و باشقه 1 تهسی یرهلنگن.
جوزجان ولایتی کسلخانهسیدهگی منبعلرنینگ ایتیشیچه، حاضرگچه 13 جسد و 4 یرهدار مذکور کسلخانهده انتقال بیریلگن.
جوزجان پولیس قومندانی عبدالواحد وجدان سلاموطندار بیلن صحبت اوتکزیب، اوشبو ولایت نینگ خانقاه تومنیده جایلشگن شاهمیرزا قیشلاغیدهگی آتیشمهنی تصدیقلب بیراق ایتیشیچه، حاضرگچه مذکور آتیشمه تلفاتیدن بیللی رقم گزارش بیریلمهگن.
طالبان سوزلاوچیلریدن بیری ذبیحالله مجاهدنینگ ادعاسی گه کوره، مذکور حادثهده امنیتی کوچلردن 19 تهسی هلاک و باشقه 6 تهسی یرهلنگن.
