اوشبو حادثه بوگون (چهارشنبه 20- قوس) ایرتهلب ساعت 6 اطرافیده پروان ولایتی بگرام تومنی نینگ «جانقدم» قیشلاغیده یوزبیرگن.
پروان پولیس قومندانلیگی نینگ خوفسیزلیک آمری عبدالواسع رحیمی بو خبرنی تصدیقلب سلاموطندارگه ایتیشیچه، پارتلش ماده جایلشتیریلگن موتر گه مینیلگن بیر هجومچی بگرام هوایی قرارگاهی یقیینلیگدهگی جنوبی کوریایی کوچلری نینگ دارولش مرکزی نی نشانگه آلگن.
پروان پولیسی نینگ اویغونلیک مرکز قومندانی الوزی احمدی نینگ ایتیشیچه، بیرینچیده بیر هجومچی بم جایلشتیریلگن بیر موترنی مذکور دارولش مرکزی نینگ ایشیگی گه اورگن و باشقه 4 هجومچی بو مرکزده کیرگن.
اونگه کوره، حاضر هجومچیلر و چیتایللیک کوچلر آرهسیده آتیشمه نی دوامی بار.
جناب احمدی نینگ کوپهیتیریشیچه، مذکور حادثهده حاضرگچه عیاللر و بالهلر شامل 47 کیشی تن جراحتی کوتارگن.
بگرام تومنیدهگی امنیتی مسئوللرنینگ ایتیشلریچه، هجومچیلر ایچکی و چیتایللیک کوچلرنینگ قمرویده قرار تاپگن و شونینگدیک بیر شبههلی کیشی حادثه محلیدن قولگه آلینگن.
جمهورلیک ریاستی سوزلاوچیسی صدیق صدیقی نینگ بوتوغریده توییتر صحیفهسیده یازیشیچه، طالبان گروهی زوروانلیککه دوام بیرگن صورتده، مملکت امنیتی کوچلری نظام و اهالیدن دفاع قیلیشگه مکلف دیر.
اونینگ کوپهیتیریشیچه، خوفسیزلیک تامین ایتیلیشی، آتیشکیسین و زوروانلیکنی یکونلنتیریش افغانستان حکومتی نینگ دایمی ایستکلریدن دیر.
طالبان گروهی نینگ ادعا قیلیشیچه، بو هجومده آمریکالیک عسکرلردن اونلرچهسی هلاک و یرهلنگنلر.
