هلمند ولایتی مارجه ولسواللیگینینگ سیستانی منطقهسی دولت قوراللی مخالفلریدن تازهلنگنلیگیدن تورت کون اوتیشی بیلن، لیکن، بو ولسواللیکده اوتکزیلگن حربی تازهلش عملیات منطقه اهالیسینی باشقه بیر منطقگه آواره بولیشلریگه سبب بولگن.
سیستانی مارجه ولسواللیگینینگ منطقهلریدن. بو قیشلاق تاغلر و قُوملردن عبارت درهلیکده جایلشگن. بو قیشلاق اهالیسی باشقه قیشلاق خلقیگه قرهگنده اقتصادی وضعیتلری جوده یامانلیگی ایتیلهدی. اوشبو منطقهده ذوالفقار ناملی عملیات اوتکزیلیشی قیشلاق اهالیسینی جدی قیینچیلیکلر جملهده ییگولیک آذوق آوقت تنقیسلیگلیگه روپهره قیلگن.
اوز قیشلاقلریدن آواره بولگنلرنینگ ایتیشلریچه، دنیا دولتلری همده بیرلشگن ملتلر تشکیلاتی اوروشدن زیان کورگن منقهلرگه یاردم بیرهدی، اما اوشبو یاردملر بیزلرگه ییتیشمیدی.
مارجه ولسوالیگه کوره، بو منطقهده ذوالفقار ناملی حربی عملیات اوتکزیلیشی قیشلاقنینگ 200 عایلهسی اوز تورر بنالرینی ترک قیلیب، باشقه جایگه باش پنه ایزلشلریگه باعث بولدی.
مارجه ولسوالی احمدشفیع سولهمل نینگ سلاموطندارگه بیلدیریشیچه، مذکور قیشلاقنینگ اهالیسی ایریم قیینچلیکلر جملهدن ییگولیک آذوق آوقت یوقلیگیگه دوچار لر. ولسوالگه کوره، فقط قیزیل یریم آی ادارهسی 90 خانه دانگه چادر، پتو، سوو ایدیشلری یاردم کورستگن، اما بو کومکلر ییترلی ایمس.
عینحالده، ولایت قیزیل یریم آی ادارهسینینگ رییسی اسدالله مایارگه کوره، بو عایلهلرگه کوپراق یاردم ییتکزیب بیریشگه سعی وحرکت قیلهمیز.
هلمند ولایتینینگ شمال و جنوبی منطقهلرده ذوالفقار ناملی حربی تازهلش عملیات اوتکزیلگنلیگیگه قرهمسدن، هنوز گچه هم اوشبو عملیات یوتوقلریدن هیچ قندهی خبر قولده ایمسلیگی تاکیدلنهدی.
