کابلده سیاسی ایش بیلرمان، احمد سعیدی نینگ کوتیلمس تروری، افغانستان سوداگر لریدن بیری حاجی نوروز عطایی قتل ایتیلیشی و هرات یشاوچیلریدن ۷ کیشی اولدیریلیش هجومی اولکه یشاوچیلری نینگ خواطرلربیلن روپهره قیلگن.
ایکی کون آلدین کابل شهرنوده احمد سعیدی نا تانیش قورالی کیشیلر تمانیدن اوق اوزیشی بیلن تن جراحتی آلدی و شوبوگون اوزیده حاجی نوروز عطایی یشش بناسیگه چاقو بیلن اولدیریلدی.
جناب سعیدی اوزیگه هجوم ایلتگنلرنی «۵- ستون» گه تانیلگن حکومت ایچیده فعالیت قیلهدیگنلردیب بیلهدی؛ اما حاضرگه قدر جناب عطایی ترور بولیش دلیلی انیق بولمهگن.
ایچکی ایشلر وزیرلیگی سوزلاوچیسی صدیق صدیقی نینگ سلاموطندار بیلن اوتکزگن صحبتیده «ترورچی گروهلر بیلن یاردم بیرهدیگن» لرنی کابلدهگی سونگی ترورلر عاملی دیدی. اونگه کوره، بو ترورچی ترماغنی تانیب- توتیش اوچون پولیس جدی شکلیده ایشینی باشلهگن و سعیدی جانیگه هجوم اوتکزیلگنیدن ۲۴ ساعت اوتمهسی ۲۵ عصیانچینی توتگن.
شونینگدیک صدیقی نینگ ایتیشیچه، بو عصیانچی گروهلر هرات و کابلده بیر زیل بولگن.
کابلده بونقه هجوملر سابقهسی بولمهگن؛ اما هرات ولایتیده بیرار پیت سیاسی، اجتماعی و اقتصادی شخصیتلربونقه ترورچیلکلرگه روپهره بولگنلر.
هرات محلی رسمیلریدن نقل قیلینگن سلاموطندار گزارشیگه قرهگنده، اوتگن هفته دوامیده بو شهر ۷ یشاوچیسی قورالی ترورچیلیک هدفیگه آلینگنلر. بو ۷ کیشی دن ۴ تهسی هلاک و اوچتهسی تن جراحت آلیب قالگن.
سیاسی ایش بیلرمانلردن لطیف نظری نینگ ایتیشیچه، بو ترورلر اوتمیش زمانلردهگی زنجیری ترورلرگه باغلیق و دشمن بو ایشی بیلن اولکه یشاوچیلری ایچیده اوزولیش کیلتیرهدیلر. اونگه کوره، بو کیشیلر ترور ایتیلیش لایحهسی اولکه دن تشقریده بولگن و حقیقتلر یوزیدن پرده کوترهدیگن کیشیلرنی هدفگه آلهدیلر.
باشقه بیر تاماندن بوگون (پنجشنبه) مدنی جامعه فعاللری بیر اولتیریش آلیب اولکه دن ترورچیلک فرهنگینی یوقاتیلیشینی ایستیدیلر. شونینگدیک اولر حکومتدن امنیتی لایحهلرینی قیته کوریب، سونگی ترورلر عاملینی تانیب و هیچ قولاق سالمسدن محکمه گه تاپشیریلیشلرینی ایسته یدیلر.
