کنجدیاغی بازاردهگی موجود یاغلرگه قرهگنده مغذلی همده فایدهلی یاغ سنهلهدی. بو یاغ کوپینچه مملکتنینگ شمالی ولایتلری جلمه دن بلخ، فاریاب، جوزجان و سرپل ده پلو تیارلشده ایشلهتیلهدی. اما، کنجد یاغی ایشلیب چیقاریلیشی اوچون دولت هیچ اعتبار بیرمهگنی ایتیلهدی. لیکن هنوز هم مذکور ولایتلرده ایکینچیلر همده جوازرانلر ایسکی شیودن فایدهلهنیب جواز آرقهلی کنجد و زغر یاغی ایشلیب چیقاره دیلر.
بلخ ولایتینینگ جوازرانلری ایریم حیوانلر جملهدن تیوه و آتدن فایدلهنیب کونیده 60 کیلو گرام کنجد یاغی ایشلیب چیقاره دیلر.
اورته یاشلی «فردین» اوزاق ییللردن بیری تیوه بیلن جواز هیدهب کنجد یاغی ایشلب چیقارهدی. کورینیشیچه او اوز قیلهجک ایشیدن ممنون. اونینگ سوزلریگه کوره، بازارده کنجدنینگ نرخی یوقاریلیگی سبب قشاق همده کمبغل اهالی کنجد یاغینی ساتیب آلیش امکانیتیگه ایگه ایمسلر. اونینگ کنجد نرخی بارهسیده ایتیشیچه، بازارده اون تورت کیلیو گرام کنجد 1120 افغانی ساتیلهدی.
مذکور محصولات رواجلهنیشی اوچون دولت اعتبار قرهتگن حالده، بو یاغ نینگ نرخی بازارده توشیشی ممکن. شونینگ اوچون بو توغریده دولتنینگ برنامهلردن بیری دیمه ییرلرده کنجد ایکیب محصولات قولگه کیریتیش بولیشی لازم
کورینیشیچه کنجد یاغی صحی شکلده ایشلب چیقاریلمیدی. اما، شونگه قرهمی هم بای و بهدولت کیشیلر مذکور یاغ جوازران اوییده ایشلیب چیقاریلمسدن آلدین ساتیب آله دیلر.
افغانستان شمالی ولایتلریده اوشبو زغر و کنجد کوپ ایکیلیب مذکور محصولاتدن ایکینچیلر دییرلی فایده قولگه کیریته دیلر. اما، افغانستانده مذکور محصولاتنی یاغ قیلیب چیقاریش اوچون اساسی و معین بیر کارخانه بولمهگن لیگی سبب زغر و کنجد کوپینچه چیت دولتلرگه صادر قیلینهدی. بو مساله اوزیدن اوزی کنجد و زغر یاغی افغانستان بازارلریده یوقاری کیتیشیگه باعث بولگن. باشقه تماندن چیت ایلدن صفتسیز ایشلیب چیقاریله دیگن یاغلر مملکتگه کیلتیریلیب یوقاری بهاده بازارگه ساتیلهدی.
بلخ ولایتی ایکینچیلیک ادارهسینینگ آمری اسدالله ستیغنینگ ایتیشیچه، جوازرانلر اوزی کنجد و زغر یاغینی ایشلب چیقاریشگه دوام بیرمهگن حالده، مذکور صنعت دایمی سقلهنیب قالیشی اوچون دولتنینگ هیچ قندهی برنامهسی یوق. شونینگدیک همکارلیک قیلهدینگن تشکیلات همده ادارهلرنینگ هم بو توغریده هیچ قندهی لایحهلری بولمهگن. عین حالده، کنجد یاغی بلخ ولایتی اوچون اینگ مهم وارزشلی محصولاتلردن سنهلهدی. عین حالده، جناب ستیغ فقط بلخ ولایتیده هر ییلی بیش مینگ جریب هکتار ییرده کنجد ایکیلهدی دیگن.
ایریم کنجد یاغی ساتووچیلریگه کوره، کنجدیاغی ایشلب چیقاریش اوچون دولت ایکینچیلرنی حمایه قیلیب بو ساحهده سرمایه یاتقیزگن تقدیرده؛ بو یاغ نینگ نرخی بازارده ارزان بولیب بوتون اهالی فایده لهنیشی اوچون شرایط یره تیلهدی.
