نَی یا افغانستانده عاموی اخبارات واسطهلرنی حمایت قیلووچی اداره، قویاش 1394- ییل سوز ایرکینلیگی و خبرچیلر اوچون قانلی ییل بولگنلیگینی اعلان قیلدی.
بو اداره خبرچیلر وضعیتیگه اساسلب تیارلهگن گزارشیده، خبرچیلرگه قرشی یوز بیرگن 116 زوروانلیک نَی ادارهسی آرقهلی رویخطگه آلینگن.
جاری ییل آقیمیده عاموی اخبارات واسطهلرینینگ خادمی شامل 12 کیشی اولدیریلگن و 23 کیشی ایسه تن جراحتی آلگن. شونینگدیک ایکی خبرچی قوراللی طالبلر آرقهلی گروگه آلینگن. عین حالده، بیر خبرچی ایسه حکومت تامانیدن قولگه آلینگن. ایتلیشیچه، 15 خبرچی ایسه کلتکلهنیب و سوء قصد ایتیلگن. حساباتده 63 خبرچی تهدید و نفرت لنگنی یازیلگن.
بوگون (پنجشبنه 27- حوت) کابلده اوتکزیلگن ییغینده سوزلهگن نَی ادارهسینینگ باشلیغی صدیقالله توحیدی، جاری ییلده خبرچیلرگه قرشی زوروانلیکنینگ کته قسمی قوراللی طالبلر آرقهلی عملگه آشیریلگن دیگن. خبرچیلر خلق ارا کونی مناسبتی بیلن نطق سوزه لهگن جناب توحیدی، زوروانلیکنینگ 64 موردی طالبلر، 26 تهسی دولت، 21 حادثهسی نامعلوم شخصلر و بیر مورد ایسه خلق ارا کوچلری تامانیدن یوزبیرگن دیدی.
مدیاده عیاللر قیسقرتیریلگن
شونینگدیک جناب توحیدی، افغانستان عاموی اخبارات واسطهلریده خاتین – قیزلردن عبارت خادملر قیسقرتیریلیشی مدیا اوچون ینه بیر معما ایکن لیگینی تاکیدلهگن.
خوفسیزلیک آشیشی، قندوز ولایتی قوراللی طالبلر قولیگه اوتیشی، خبرچیلر جانی قرشی مقصدلی هجوملر کوپیگنی، کیلهجک اوچون امیدسیزلیک عاموی اخبارات واسطهلریده عیال خادملر سانی قیسقرتیریلیشی اوچون اساسی دیلیل بولگنی ایتیلهدی.
طالبان حرکتی دایم خاتین – قیزلر جمعیت اینیقسه عاموی اخبارات واسطهلرده خذمت قیلیشیگه قیتیق مخالفت بیلدیریب کیلگن.
«سوز ایرکینگی اوچون قاره چهارشنبه»
بوندن ایکی آی آلدین قوراللی طالبلر تامانیدن موبی گروپ خادملری نقلیه واسطهسی هجوم آستیگه آلینگنده بو ترماقنینگ ییتی خادمی قربان بولگن ایدی.
ایکی آی مقدم (چهارشنبه 30-جدی) ده طلوع تلویزیون ترماغی خادملریگه قرشی اویوشتیریلگن هجوده ییتی کیشی قربان بولگن ایدی و شونینگدیک حادثه ده25 انسان آغیر یینگیل یرهلنگن ایدی. بو ایسه 94- ییلده خبرچیلر اوچون قانلی ییل بولگنی ایتیلهدی.
خبرچیلر و مدیا خادملریگه مقصدلی هجوملر آشیشی آرتیدن، افغانستان ژورنالیستلر اتفاقی ایستهگی اساسیده حکومت خبرچیلرگه قرشی یوز بیره دیگن زوروانلیکلرنی تیکشیریش اوچون کمیسیون ایجاد ایتلیشیگه بویروغ بیرگن ایدی.
بو کمیسیون 1381- ییلدن بویان خبرچیلرگه ضد یوز بیرگن زوروانلیککه عاید دوسیهسی نی تیکشیرهدی.
عین حالده، افغانستان ایرکین مدیانی کوزهتوچی اداره حکومتدن خبرچیلر جانی خوفسیزلیگی سقلهنیشی اوچون هر تامانلمه سعی وحرکت قیلیشنی سورهگن.
1393- ییلده خبرچیلرگه قرشی یوز بیرگن 116 حادثه رویخطگه آلینگن؛ اما، اولدیریلگنلر سانی 39ییلده 6 کیشیدن 94- ییلده 12 کیشی یعنی ایکی مراتبه آشگن.
