جمهور رییس بیرینچی اورین باسری جنرال عبدالرشید دوستم، تازهلش عملیات آلتینچی کونی جوزجان ولایتیده ایتیشیچه، طالبلرنی اویلرگه کیریشی، امنیتی کوچلر اوروشنی معماگه روپهره قیلگن. جناب دوستمنینگ ایتیشیچه، امنیتی کوچلر عملیاتی ترکمنستان کوچلری اویغورلیگیده دوام ایتماقده و طالبلردن بیرقطاری امنیتی کوچلر هجومی شدت لنگنی باعث، اوروش میدانیدن قاچیب کیتگن و شونینگدیک، اونلرچهسی آمو دینگیزی آرالیده قمراوگه آلینگن.
جمهور رییس بیرینچی اورین باسریگه کوره، حاضرگچه 20 طالب هلاک بولیب و باشقه 7 تهسی توتقونگه آلینگن. شونینگدیک، امنیتی کوچلردن 3 عسکر هلاک بولیب و امنیتی قومندانلردن 4 تهسی یرهلنگن.
جناب دوستم، جوزجان ولایتینینگ خمآب، مردیان، منگجک و آقچه تومنلری تازهلنگنیدن کیین، مملکت جنوبی ناتینچ ولایتلریده تازهلش عملیات یولگه قوییلیشیدن خبر بیرهدی.
عین حالده، توتقونگه آلینگن طالبلردن بیری قاری محمودنینگ ایتیشیچه، امنیتی کوچلر خمآب تومنیده عملیات باشلهگنیدن سونگ، ترکمنستان قاچگنلر و مذکور مملکت کوچلری اولرگه یاردم بیرگنیدن کیین، اولرنی ترکمنستان توپراغیدن چیقارگن، بیراق جناب دوستم بو گپنی رد ایتکن.
قاری محمودگه کوره، رقملری 80 کیشیگه ییتیشر ایکن، بو جملهدن 50 تهسی قرقین تومنی یولیدن بلخ ولایتیگه تامان یول آلگن.
شونینگدیک، خمآب تومنی باشلیغی انجنیر احمد، مذکور تومن اوستیگه طالبلر هجومی توغریسیده سلاموطندارگه ایتیشیچه، اوشبو گروه خمآب امنیه قومندانلیگی بیلن اولسواللیک بناسینی بوزیب و مذکور بنالردهگی حجتلرنی اوتکه یاندیرگن. عین حالده، اونینگ کوپهیتیریشیچه، تیزلیکده اوشبو ادارهلرنی قیته قوریش ایشی باشلهنیشی ممکن.
خمآب یشاوچیلری، مذکور تومنده امنیتی کوچلر کملیگینی طالبلر هجومی اساسی دلیلی دیب ایتیشیچه، قیش موسومی عرفهسیده توقنهشوولر شدت لنگنی باعث، اولرنی قیینچیلیکلری نیچه برابر بولگن.
عین حالده، جوزجان والیسی بیر قطار دولت رسمیلری بیلن بیرگهلیکده، مذکور تومن وضعیتینی تیکشیریش اوچون او ییرده باریب ایتیشیچه، تیزلیکده برچه نرسهنی قیته قورهدی.
