.jpeg)
حادثه یرهدارلریدن بیر قطارینینگ ایتیشیچه، قوراللی کیشیلر بیرینچیدن اولرنینگ موتری نی توختهتیب و یشاوچیلرنینگ برچه نرسهلرینی آلگنیدن کیین، اولرنینگ اوققه توتگن.
حادثه یرهدارلریدن مومینهنینگ ایتیشیچه، مذکور موترده 18 یولاوچی موجود ایکن و بولردن 3 تهسی هلاک و باشقه 3 تهسی تنجراحت کوتارگن.
غور محلی رسمیلرینینگ ایتیشیچه، اوشبو حادثه بوگون ایرتهلب فیروزکوه شهرینینگ غربی برهخانه منطقهسیده یوزبیرگن.
غور پولیسینینگ خوفسیزلیک آمری سیدضیا حسینی، حادثه نی طالبلرگه نسبت بیریب ایتیشیچه، بو توغریده تدقیقاتلر باشلنگن.
اونگه کوره، حادثه نینگ برچه یولاوچیلری دایکندی ولایتینینگ یشاوچیلری ایکن.
.jpeg)
غور مرکزی کسلخانهسی داکترلریدن ضیاءالدین ضمیرنینگ ایتیشیچه، بوگون ایرتهلب 3 اولیک و 3 یرهدار اوشبو دارولش مرکزیده انتقال بیریلگن و یرهدارلردن بیرتهسینینگ وضعیتی یمان دیر.
بو بیرینچی مرته ایمس کیم طالبان گروهی فیروز کوه شهرینینگ برهخانۀ منطقهسیده یولاوچیلرنی اوققه تارتهدی. بونگه اوخشهگن باشقه ایکی حادثهده 5 کیشی هلاک و باشقه 10 کیشی یرهلنگن.
