افغانستانده قاچقینلر ایشلری بوییچه بیرلشگن ملتلر تشکیلاتی یوکسک کمیشنری دفترینینگ ایتیشیچه، جاری میلادی ییل افغانستان یشاوچیلریدن کمیده بیر میلیونی، اوشبو مملکتنی ترک ایتگن.
افغانستانده قاچقینلر ایشلری بوییچه بیرلشگن ملتلر تشکیلاتی یوکسک کمیشنری دفتری باشلیغی مایا امیراتونگهنینگ، اوتگن (سهشنبه کون)، «مهاجرلیک، فرصتلر و قیینچیلیکلر» خصوصیده بولگن بیرینچی تخصصی نمایشده ایتیشیچه، سوریهدن کیین، افغانستان مهاجرلر رقمی کوپلیگی خصوصیده، دنیا بویلب ایکینچی مملکت دیر.
خانم مایا، سیاسی قرهمه قرشیلیکلر، کیلهجک خصوصیدهگی ایشانچسیزلیک و قشاقلیکنی افغانستان یشاوچیلری قاچیشی اصلی عامللری دیب بیلهدی.
عین حالده، مهاجرلر وزیری سید حسین عالمی بلخینینگ ایتیشیچه، جاری میلادی ییل، افغانستان یشاوچیلریدن 300 مینگدن آرتیغی بوندن آلدین، اوشبو مملکتنی ترک ایتگن ایکن، قیتهدن مملکتگه کیلگن.
جناب بلخینینگ ایتیشیچه، اوشبو وزیرلیک حاضر باش پناه ایزلاوچیلر توغریسیدهگی قیینچیلیکلرنی حل ایتیش اوچون بیر ریجه اوستیگه ایشلهیدی. اونگه کوره، بو ریجه 553 میلیون دالر خرجت کوترهدی و حاضرگچه یاردم بیرووچی مملکتلردن بیرقطاری اوشبو پولنینگ یریمینی تولشگه وعده بیرگن.
شونینگدیک، افغانستان ایشلری بوییچه بیرلشگن ملتلر تشکیلاتی خاص نمایندهلیگی اورین باسری مارک باودننینگ ایتیشیچه، سونگی بیردههده 5.7 میلیون یشاوچی قیتهدن افغانستان کیلگن.
جناب باودن، افغانستان یشاوچیلرینینگ قاچیشینی باشقریش خصوصیده بیرینچی یول، مملکتده ایش زمینه یرهتیلیشی دیب بیلهدی.
بوندن آلدین ترقهتیلگن رقملر اساسیده، سونگی پیتلرده 146 مینگ افغانستان یشاوچیسی یالغیز اروپایی مملکتلرگه مهاجر بولگن. ایتیلیشیچه، اوشبو یولاوچیلردن 80 فایزی آلمانده پناه بولگن و اولردن 43 فایزی مذکور مملکت تامانیدن قبول ایتیلگن.
