افغانستان جنوبیده جایلشگن هلمند ولایتینینگ امنیتی مسووللری، مملکت هوا کوچلری خلق ارا کیسکین ماموریت هماهنگلیگی بیلن سنگین، نهرالسراج، خانشین و مارجه تومنلرینینگ ایریم منطقهلریده عملیات اوتکزگن لیکلری بارهسیده خبر بیرماقده لر. ایتیلیشیچه، عملیات عاقبتیده 51 طالب اولدیریلگن.
هلمند پولیس قوماندانی جناب کینتوزنینگ سلاموطندار ترماغیگه بیرگن صحبتده معلوم قیلیشیچه، عملیات نتیجهسیده سنگین تومنی اوچون طالبلرنینگ ولسوالی ایتیب تعین لنگن شخص قوشیمچه 9 جنگری نشانگه آلینگن. بولر ولایت نینگ سنگین تومنیده هجوم اویوشتیریش نیتده ایکن لیکلری ایتیلهدی.
شونینگدیک هجومده سنگین تومنی اوچون طالبلرنینگ ولسوالی ایتیب تعین لنگن مولوی آغا تن جراحتی آلگندن سونگ دوالهنیش اوچون پاکستانگه آلیب کیتیلگن لیگی رسمیلر آرقهلی تیلگه آلینگن.
جناب کینتوز سوزلریگه قرهگنده، هجومده تینچ اهالیگه زیان ییتمهگن. اما، قوراللی طالبلرگه قرهشلی زرهلی تورت موتر نابود قیلینگن.
عین حالده، امریکه قوشمه ایالتلرینینگ جمهور رییسی بارک اوباما افغانستاندهگی خلق ارا کیسکین ماموریت حربیلریگه بو مملکتده قوراللی طالبلر و داعش حرکتی یوق ایتیلیشی اوچون کوپراق هوادن هجوم اوتکزیشلریگه بویروق بیرگن.
بو بیرینچی مرته هلمند ولایتی بیر کونده 7 مرته هوادن اوتکزیلگن هجوم گواهی بولهدی.
حربی تحلیلچیلر، مملکتدهگی قوراللی طالبلر و باشقه گروهلرگه قرشی اوتکزیله دیگن هوا هجوملری بو قبیل دوام ایتگن تقدیرده، بو گروهلر افغانستان حکومتی گه نسبتاً قرشی لیکدن قول کوتاریشی ممکن دیگنلر.
