غور ولایتینینگ شهرک تومنی شاهجوی منطقهسینینگ یشاوچیلریدن بیرقطاری سلاموطندار بیلن اوتکزگن صحبتیده ایتیشیچه، اوتگن کیچه قوراللی طالبلر، اهالی اویلری اوستیگه هجوم قیلیب و بار نرسهلرینی تالان قیلگن. اولرنینگ ایتیشیچه، طالبلر اهالی اویلرینی تالان قیلگنیدن کیین، اوشبو ولایت سابق والیسینینگ اویینی اوتگه تارتگن.
غور ولایتینینگ سابق والیسی فضل احمدنینگ سلاموطندارگه ایتیشیچه، اوتگن کیچه غورده طالبلر تامانیدن تعیین ایتیلگن والینینگ اورین باسری ملااحمدشاه رهبرلیگیده قوراللی طالبلردن بیر گروهی، تینچ اهالی اویلری اوستیگه هجوم قیلگن و تینچ اهالینینگ بار نرسهلرینی تالان قیلگنیدن کیین اونینگ اویینی اوتگه یاندیرگنلر.
اونینگ ایتیشیچه، طالبلر ایناغهسینینگ اوغلینی اولدیرگن و اوچ موتر بیلن بیر تراکتورینی هم اوتگه تارتگن.
محل یشاوچیلرینینگ ایتیشیچه، حاضر تینچ اهالی و طالبلر آرهسیده آتیشمه دوام ایتماقده، بیراق حاضرگچه یاردمچی کوچ واقعه محلیگه یوباریلمهگن. اولرنینگ ایتیشیچه، اوشبو آتیشمه نتیجهسیده، 4 طالب هلاک ایتیلگن و باشقه 1 طالب یرهلنگن.
اوشبو ولایت سابق والیسینینگ اویی اوتگه تارتیلگنینی تصدیقلگن غور والیسینینگ سوزلاوچیسی عبدالحی خطیبینینگ ایتیشیچه، حاضرگچه آتیشمه دوام ایتماقده و اولر واقعه محلیگه یاردمچی کوچ یوبارگنلر و تیزلیکده منطقه طالبلردن تازهلنهدی.
قوراللی طالبلر حاضرگچه بوتوغریده هیچ نرسه دیمهگن.
