اوتگن کون کیچ قورونده اونلرچه قوراللی طالب، گروهی شکلیده، هرات ولایتینینگ فارسی تومنی اوستیگه تورت تاماندن هجوم اویوشتیردی.
هرات پولیس سوزلاوچیسی عبدالرؤوف احمدینینگ سلاموطندارگه ایتیشیچه، بو هجوم اوتکن پنجشنبه کیچه ساعت 8 ده اویوشتیریلگن. جناب احمدینینگ ایتیشیچه، سانی 100 کیشیگه ییتهدیگن گروه امنیتی کوچلر قرشیلیگیگه روپهره بولگن. اونگه کوره، بو توقنهشوو ایرتنگ ساعت 4 گچه دوام تاپگن.
عین حالده، جناب احمدی امنیتیکوچلر و طالبلر اورتهسیده یوزبیرگن توقنهشوو یکونلنگنیدن خبر بیرهدی، بیراق اونینگ ایتیشیچه، امنیتیکوچلر قاچیب کیتگن طالبلرنینگ ایزیدن کیتگن.
مذکور ولایت پولیس قومندانی سوزلاوچیسینینگ کوپهیتیریشیچه، بو توقنهشووده 10 طالب هلاک بولگن و باشقه بیرقطاری یرهلنگن و حاضرگچه اولرنینگ رقمی بیللی ایمس. جناب احمدیگه کوره، بو توقنهشووده امنیتیکوچلر و تینچ اهالیگه زیان ییتمهگن.
شونینگدیک اونینگ کوپهیتیریشیچه، حربی کوچلر، پولیس و خاصکوچلر، قاچیب کیتگن طالبلرنینگ بو تومنده ایزلهماقده.
طالبلر حاضرگچه بو توغریده هیچ نرسه دیمهگن.
طالبلرنینگ بوهجومی، جاری هفته سهشنبه کون، پاکستان مری شهریده مذکور گروه اعضاسی و افغانستان حکومتی نمایندهلری حضوریده بیرینچی تینچلیک سوزلشوو اوتکزیلگن بیرچاغده اویوشتیریلگن.
اوشبو اولتیریشده اشتراک ایتگن تشقی ایشلر وزیرلیگی سیاسی اورین باسری حکمتخلیل کرزیگه کوره، حکومت و بو گروه اورتهسیده اوروش توختهتیلیشی توغریسیده سونگی اولتیریشده بحث اوتکزیلیشی ممکن.
بو اولتیریشده امیریکه و چین مملکتلر نمایندهلری و شونینگدیک کویتهکینگشی، جلالالدین حقانی ترماغی نمایندهلری و ملامنصورهم حضور کیلتیرگنلر.
