ایچکی ایشلر وزیرلیگی نینگ ایتیشیچه، بیرینچی معلوماتلرگه کوره، غزنی ولایتیده جایلشگن عامهنی سقلش کندکی اوستیگه اویوشتیریلگن هجوم عاقبتیده، امنیتی کوچلردن 7 تهسی هلاک و باشقه 16 تهسی یرهلنگن.
بوگون "یکشنبه" ایچکی ایشلر وزیرلیگی سوزلاوچیسی طارق آرین نینگ ایتیشیچه، مذکور واقعهده پولیس کوچلریدن 3 تهسی و عامهنی سقلش حربیلریدن 4 تهسی هلاک ایتیلگن.
اوتگن کیچه ساعت 8 اطرافیده غزنی شهری نینگ کوتل روضه منطقهسیده جایلشگن عامهنی سقلش کندکی اوستیگه پارتلش ماده جایلشتیریلگن بیر موتر آرقهلی، هجوم اویوشتیریلگن.
غزنی پولیس قومندانلیگی سوزلاوچیسی احمدخان سیرت نینگ ایتیشیچه، مذکور واقعهده امنیتی کوچلردن 7 تهسی هلاک و باشقه 16 تهسی یرهلنگن.
بیراق، امنیتی بیر منبع نینگ کیملیگی سیرقالیشنی ایستهب سلاموطندارگه ایتیشیچه، عامهنی سقلش کندکی اوستیگه اویوشتیریلگن هجوم عاقبتیده، امنیتی کوچلردن 16 تهسی هلاک و باشقه 30 تهسی یرهلنگن.
حاضرگهقدر هیچبیر گروه بو هجوم مسوولیتینی بوینیگه آلمهگن.
