مخابرات و معلومات وزیرلیگی فنی معلومات بولیمیگه عاید تورت کونلیک کورگزمهنی کابلده یولگه قویدی. مذکور وزیرلیک رسمیلری نینگ ایتیشیچه، بو کورگزمه مخابرات وزیرلیگی نینگ یوز کونلیک برنامهسیدن حسابنلهدی.
بو کورگزمهده 120 فعال شرکت، محصولاتلرینی کورستووگه قویگن.
مخابرات وزیرلیگی تکنالوژی و معلوماتی اورین باسری ایمل مرجان نینگ ایتیشیچه، افغانستاننینگ اقتصادی ضعیف دیر؛ بیراق فنی بولیمده منطقه مملکتلری ایچیده اورین سیز دیر.
اونینگ کوپیتیریشیچه، افغانستان سوداگرلر و فنی بولیم ایشلاوچیلری اورتهسیده بیرگهلیک ایجاد ایتیشی خصوصیده موفق بولگن.
عین حالده مخابرات وزیرلیگینینگ اورین باسری امنیتی وضعیتنی سرمایه یاتقیزووچیلر اوچون خواطرلی دیگن. بیراق اونینگ ایتیشیچه، بو وضعیت مملکتده فنی بولیم اوستیگه سلبی تاثیر تشلمهگن.
عینحالده، مملکتده انترنت و مخابراتی خذمتلر صفتسیزلیگی توغریسیده ایریم تنقیدلر هم موجود.
بیراق، مخابرات وزیرلیگی اورین باسری ایمل مرجاننینگ فنی بولیم خصوصیده بولگن خواطرلرگه جوابا ایتیشیچه، حکومت و فنی بولیم اورتهسیده همکارلیکلر دوام ایتماقده و بو وزیرلیک خصوصی بولیملر همکارلیگیده اوشبو قیین چیلیکنی حل ایتهدی. اونینگ ایتیشیچه، مخابرات وزیرلیگی هر بیر شرایط ده قیین چیلیکنی حل ایتیشی ممکن.
عین حالده، افغانستان صناعت و تجارت وزیرلیگینینگ اورین باسری مزمل شینواری، مخابرات بولیمینی مملکتده یخشی یوتوققه ایریشگن بولیملردن دیگن. اونینگ ایتیشیچه، بوندهی بیر کورگزمهلرنی یولگه قوییلیشی مملکتده سرمایه یاتقیزووچیلرنینگ دقتینی جلب ایتهدی.
مخابرات وزیرلیگینینگ حساباتیگه کوره، افغانستانده 20 میلیون دن آشه راق کیشی قول تلیفونلری و کمیده 3 میلیون کیشی انترنتدن فایده لنهدی.
مخابرات وزیرلیگی رسمی لری گه کوره، افغانستان اوشبو بولیم ده سرمایه یاتقزیش جهتیدن دنیا مملکت لری ایچیده 168 نچی درجه ده قرار تاپگن.
