تشقی ایشلر وزیرلیگی ایران چابهار بین المللی ترانزیتی ایلتیش کیلتیریش کیلیشماو بیرینچی اولتیریشیدن خبر بیردی.
تشقی ایشلر وزیرلیگی بیرخبرنامه ترقهتیشی بیلن، مذکور اولتیریش اوتگن کون (سه شنبه 31- سنبله) افغانستان، ایران و هند اولکهلری تشقی ایشلر وزیرلیگی عمومی باشلیغلری و ایش بیلرمانلر ارا حمل و نقل کیلیشماو اولتیریشی تهرانده بولیب اوتیشیدن خبر بیرگن.
خبرنامهده کیلیشیچه، مذکور اولتیریشده کیلیشوونامه متنی نهایی بولیش، تیکشیریش یوکسک کمیته کینگشی ایجاد بولیشی، کیلیشوو متنی ایزله نیشی و چابهار بندری آچیلیش لایحهسی بارهسیده بحث بولهدی.
اولتیریشده قتنشگن افغانستانلیک هیأتنی ترانسپورت، سوداگرلیک و صناعت، مالیه و عامه فواید وزیرلیگی و سوداگرلیک اتاقی اعضالریدن وحیدالله ویسی سرپرستلیگی بیلن تشقی ایشلر وزیرلیگی اقتصادی یاردملیک رییسینی تشکیل بیرهدیلر.
ایران چابهار بندری بارهسیده بولهدیگن سوزله شوولر، میلادی 2012- ییلدن بویان اوچ اولکه رسمیلری ارا باشلنگن ایدی و کابلده اوتکزیلگن شو سونگیده افغانستان اوچون منطقهیی اقتصادی یاردملیکلر (ریکا) اولتیریشده، اوچ اولکه رسمیلری تیزلیکده اوشبو بندر کیلیشمهسی نهایی بولیشیگه توافق قیلگن ایدیلر.
چابهار بندری ایران جنوبی بلوچستان و سیستان ولایتلریده بولیب، اوچ مملکت اینیقسه افغانستان اوچون که بحرده یولی بولمسه هم اقتصادی ایریک اهمیتگه ایگه دیر.
بو بندر دن افغانستان سوداگرلرینینگ ایش آلیشلری اوچون ایران 50 هکتار ییرنی اختصاص بیرگن.
تشقی ایشلر وزیرلیگینینگ خبرنامه سیگه قرهگنده، چابهار کیلیشوویگه قول قویلیشی بیلن، ایریم بولیملردهگی قیینچیلیکلر اینیقسه جادهیی رابطهلر، گمرک، سوداگرلیک و ویزه مسالهلری حل بولهدی.
چابهار توافق نامهسی نینگ نهایی بولیش اولتیریشی، هند میزبانلیگی بیلن ینگی دهلیده اوتکزیلیشی کوتیلهدی.
گزارشلرگه کوره، شوحاضر افغانستان سوداگرلری هندی سوداگرلری بیلن پاکستان واگه بندری و ایران عباس بندری آرقهلی معاملهده کیرهدیلر.
هردایم افغانستان سوداگرلری پاکستان کراچی و واگه بندرلریده کوپلب قیینچیلیکلر بیلن روپهره بولیب، بو مملکت صادر و وارد ایتیلهدیگن کالالرگه ایریم بهانهلر بیلن محدودلیک کیلتیرهدی.
