اداری فسادگه قرشی کورهشیش محکمه قاضیسی اسلمخاننینگ سلاموطندارگه ایتیشیچه، شهر قوریش وزیرلیگی اورین باسرلریدن 2 تهسینینگ دوسیهسی و مذکور وزیرلیک ادارهلری بیرقطار باشلیغلری و اوشبو وزیرلیک ایشچیلریدن 24 تهسیگه تیگیشلی 17 دوسیه، باش قارهلاوچیلیک ادارهسی تامانیدن محکمهگه یوباریلگن.
جناب اسلمخاننینگ ایتیشیچه، بو دوسیهلر تیکشیریلیشی کیلهسی هفته باشلنهدی. ایتیلیشیچه، اوشبو وزیرلیک اورین باسرلریدن 2 تهسی سیاحتدن بند بولگن. اونینگ کوپهیتیریشیچه، شونینگدیک شهر قوریش وزیرلیگی سابق وزیری حسن عبدالحیگه قرشی ادعالر موجود، بیراق اونی تیکشیریش اوچون، خاص محکمه تشکیل ایتیلیشی لازم.
عین حالده، باش قارهلاوچیلیک سوزلاوچیسی بصیر عزیزی، مذکور 17 دوسیه توغریسیده معلومات بیرمهگن.
اوشبو دوسیهلر شوندهی بیرحالده یوکسک محکمهگه یوباریلهدی، بوندن آلدین مملکت جمهور رییسی محمد اشرف غنی، مذکور وزیرلیک ایشچیلریدن 6 تهسی نینگ وظیفهسینی توختهتیب و سیاحتدن بند بولیشیگه بویروغ بیرگن ایدی.
باش قارهلاوچیلیک سوزلاوچیسینینگ ایتیشیچه، مذکور آلتی کیشینینگ لایحهسی فسادگه قرشی کورهشیش ادارهسیگه یوباریلگن. بو کیشیلر قوریلیش لایحهلری، دولت بلند مرتبهلی رسمیلری و قرینداشلریگه آپارتمان ترقهتیش خصوصیده اداری فسادگه عیبلنیب، عدلی و قضایی ادارهسی تانیشتیریلگن.
مرکزی شهر قوریش باشلیغی احمدشاه همت، املاک باشلیغی محمدامین امین، اوی قوریش تصدی باشلیغی احمدنواز بختیار، ریجهلنتیریش اداره باشلیغی گلرحیم زیارمل، آپارتمانلرنی منسجملشتریش دفتری مالی مسؤولی سید امانالله سادات و شهر قوریش وزیرلیگی آپارتمانلرنی منسجملشتیریش دفتری مسؤولی محمدامین قانع میلیونلرچه دالر تالانیگه عیبلنگن.
احمدنواز بختیار، محمدامان سادات و محمدامین قانع سیاحتدن بند بولگنلریدن آلتی کون اوتکنیدن کیین، بدخشان ولایتی تامانیدن تاجیکستانگه قاچهدیگن چاغده، مذکور ولایت چیگره پولیسی تامانیدن توتقونگه آلینگنلر.
