رحمتالله (مستعار آت) سلاموطندار بیلن خاص بیر صحبت اوتکزیب ایتیشیچه، چیتایللیک جنگریلر یاشی قویی بولگن بالهلرنی طالبان صفیده قتنهشتیریش اوچون ترغیبلب و اولرگه ماین ییرلشتیریش، انتحاری هجوم و حربی تعلیمات بیرهدی.
ینگیلیکده طالبان صفیدن قاچگن 16 یاشر رحمتالله، حاضر دولت نینگ نظارتی گه بولگن منطقهده یشهیدی. اونینگ ایتیشیچه، تعلیمات کورگن بالهلر چریکی هجوملر و ماین ییرلشتیریش گه سهم آلهدی.
اونگه کوره، طالبلرنینگ هر بیر قومندانی 10 – 20 باله نی اوزلریگه اَجرهتیب و اولردن ماین ییرلشتیریش و چریکی هجوملر اوچون قوللنهدی.
جوزجان خوفسیزلیک مسئوللری نینگ سلاموطندارگه ایتیشلریچه، اوشبو ولایت نینگ اوروشی نی اوزبیکستان، پاکستان و ترکمنستان یشاوچیلری بولگن چیتایللیک جنگریلر رهبرلیک قیلهدی و اولرنینگ جنگریلریدن کوپینچهسینی 18 یاشدن قویی بالهلر تشکیل بیرهدی.
جوزجان پولیس قومندانی عبدالواحد وجدان نینگ سلاموطندارگه ایتیشیچه، حاضر اوشبو ولایت نینگ قطار تومنلریده ترکمستانلیک، پاکستانلیک، اوزبیکستانلیک و چچینلیک جنگریلر فعالیت قیلهدی و 18 یاشدن قویی بالهلردن ماین ییرلشتیریش و چریکی اوروشلر اوچون فایدهلنهدی.
جوزجان دین عالملریدن قطاری مملکتده 18 یاشدن قویی بالهلر اورشهیدیگن گروهلر آرقهلی حربی عملیات و ماین ییرلشتیریش اوچون استعمال بولیشی نی ناتوغری و انسانی و اسلامی ارزشلرگه قرشی بیلهدیلر.
جوزجان دین عالملری کینگش باشلیغی مفتی محمدرسول مجهز نینگ ایتیشیچه، اوروش میدانلری و شونینگدیک انتحاری و پارتلهش هجوملرده بالهلردن فایدهلنیش نی جوازی یوق و بوندهی ایشلر انسانی ارزشلرگه قرشی دیر.
بیراق طالبان سوزلاوچیلریدن بیری ذبیحالله مجاهد، بو گروه صفیده چیتایللیک جنگریلر موجودلیگی نی رد قیلهدی.
