افغانستان سابق جمهور رییسی حامد کرزی نینگ ایتیشیچه، اشدی گرچیلیکنی یوق قیلیش اوچون زوروانلیکدن فایدهله نیش نتیجه بیرمیدی.
بوگون کابلده «منطقه ده زوروانلیک یوق اتیلیش مدنیتی» عنوانی آستیده اوتکزیلگن ییغینده چیقیش قیلگن کرزی، افراطیت، گناه سیز خلق اوستیدن هوادن بابمه یاغدیریش اشدی گرچیلیک تمثالی بولگن لیگینی ایتگن. هندوستان ایلچیلیگی تامانیدن اوتکزیلگن ییغینده سوزلهگن کرزی افراطیت، ییریک قدرتلر نیتلریگه ایریشیش اوچون بیر وسیله بولگن لیگینی ایتگن.
جناب کرزی اشدی گرچیلیکدن فایدهله نیش افغانستان خلقی نینگ آواره لیگیگه سبب بولگن لیگینی معلوم قیلگن. شونینگدیک کرزی پاکستان امیریکه همکارلیگی بیلن هنوزهم افغانستان و هندوستانگه قرشی اشدی گرچیلیکدن فایده لنهدی.
شوکبی افغانستان سابق جمهور رییسی کرزی؛ افغانستان جهادیدن امیریکه، اورپا و پاکستان سوء استعمال قیلگن لیکلرینی بیلدیرگن. کرزی، اسلام دولتلری بیر تامانیدن افراطیت اوتییده و باشقه تامانیدن افراطیتگه قرشی اوروش اوتیده کویه دیلر دیگن.
عین حالده، جناب کرزی افراطیت سیاسی همده ملی برنامهلر یولی بیلن حل ایتیلیشی ضرور لیگینی معلوم قیلگن. شونینگدیک کرزی طالبلردن «افغانلر» صفتیده حکومت بیلن یره شیشلرینی سوره گن.
شوکبی کرزی؛ افغانستانده تینچلیک و برقرارلیک اورنه تیلیشده پاکستان دولتی نینگ همکارلیگی صادقانه بولیشی خصوصیده تاکیدله گن. ینه کرزی افغانستان خلقی تینچلیک بدلیگه هیچ بیر کیمسه گه تسلیم بولمس لیکلری خصوصیده اورغوله گن.
باشقه تاماندن ملی بیرلیک حکومتی اجراییه باشلیغی داکتر عبدالله عبدالله نینگ ییغینده نطق سوزلب ایتیشیچه، تینچلیک لایحه سی اوچون شخص یا گروه بیلن هیچ بیر زمان معامله قیلنمیدی. عبدلله گه کوره، تینچلیک تامین ایتیلیشی اوچون آلیب باریله دیگن سعی و حرکتلر ملی منفعت و اوتگن ییللرده قولگه کیرتیلگن یوتوقلر سقله نیب قالیش بیلن عملی ایتیلهدی.
عین حالده، ملی خوف سیزلیک اداره سی نینگ سابق باشلیغی امرالله صالح، زوروانلیک یوق ایتیش مدنیتی ییریک ملی بیر چار چوپ اساسیده عملگه آشیریلیشی ممکن لیگینی ایتگن. کرزی حکومتی نینگ بلند مرتبهلی رسمیلری، هر دایم پاکستاننی افغانستانده ترورچی گروهلرنی حمایت قیلیب کیلگن لیکده عیبلیدیلر. کرزی افغانستان جمهور رییسلیگی زمانیده مملکت تینچلیک لایحه سیگه همکارلیک قیلیش اوچون پاکستاننی مساله گه کوندیریش اوچون آلیب بارگن سعیلری دییرلی نتیجه بیرمه گن ایدی.
