.jpg)
قویاش 1394- ییل، افغانستان امنیتی کوچلری اوچون قتیق ییل ایدی؛ مملکت شرقی اینیقسه ننگرهار ولایتیده داعش حضوری کوچلی و منسجم بولدی و اوروش جبههسی جنوبدن شمال و شمال شرقگه کینگهیدی.
اوشبو ییلده، قوراللی طالبلر 15 ییلدن کیین، بیرینچی مرته بیر ولایتنی بوتونلهی نیچه کون نظارتگه آلدی و باشقه نیچه ولایت هم سقوط عرفهسیده قرار تاپدی. شونینگدیک قندوز، هلمند، ننگرهار، بدخشان، تخار، فاریاب، غزنی و باشقه بیرقطار ولایتلرنینگ اونلرچه تومنی امنیتی کوچلر بیلن قوراللی طالبلرنینگ اورتهسیده قولمه قول بولدی.
ترقهتیلگن رقملر اساسیده، اوشبو ییل جریانیده امنیتی کوچلر بیلن تینچ اهالی قربانلیگی تکرارسیز شکلده کوپهیگن.
ییلنی سونگی کونلریده، جمهور رییس غنی، نمایندهلر کینگشینینگ آلتی ییللیک ایشی باشلهنیش مراسمیده سوزگه چیقیب، 1394- ییلنی افغانستان اوچون سیناو ییلی بیلیب ایتیشیچه، ییلنی بیرینچی تورت آییده تشبث حکومت کوچلری قولیده ایدی، سونگی آلتی آیده قوراللی عصیانچیلر تشبثنی قولگه آلیش اوچون سعی و حرکت قیلگن و نتیجهده سونگی آیلرده تشبث امنیتی کوچلر قولیگه توشگن.
سیاسی ارهلشوولر
افغانستان دولتچیلری، هردایم امنیتی کوچلر سیاسی ایمسلیگی اوستیگه تأکیدلگن؛ بیراق حربی ایشلرده سیاسی ارهلشوولر، 94- ییلنی جنجللی موضوعلریدن بولگن.
افغانستان ملی امنیت ادارهسینینگ سابق باشلیغی رحمتالله نبیل، جمهور رییس بیلن سیاسی قرهمه قرشیلیگی باعث، وظیفهسیدن وازکیچدی.
شونینگدیک، مملکت سابق ایچکی ایشلر وزیری نورالحق علومینینگ ایتیشیچه، ایشیگه سیاسی ارهلشوولر باعث، وزیرلیک وظیفهسیدن چیتلنگن.
.jpg)
اونملی واقعهلر
قویاش 1394- ییل باشیده، بدخشان ولایتیده قوراللی طالبلر کمیده 30 حربی عسکرنی قورشاوگه آلیب و اوندن کیین، اوشبو عسکرلردن بیرقطارینینگ باشینی کیسدیلر.
اوشبو ییل 13- حملده، خوست یشاوچیلریدن یوزلرچهسی مذکور ولایت وقتینچهلیک حاکمینینگ چیتلنتیریش اوچون اونینگ اویینی اونگیده توپلنگن بیرچاغده، بیر خودکش هجومچی ناراضچیلرنینگ اورتهسیده اوزینی پارتلتگن، نتیجهده 20 کیشی هلاک بولیب و نمایندهلر کینگشینینگ اعضاسی همایون همایون شامل باشقه 63 کیشی جراحت آلگن.
سرطان آیینینگ بیرینچی کونلریده، 8 خودکش هجومچی محمد معصوم استانکزینینگ مدافعه وزیرلیگی نامزدی صفتیده تانیشتیریش بیر چاغده، مملکت ملی کینگشی اوستیگه هجوم اویوشتیرگن، نتیجهده ایکی تینچ اهالی هلاک بولیب و باشقه 28 کیشی یرهلنگن.
16- اسد، کابل شاهشهید منطقهسی بیر حربی قرارگاه یقینیده پارتلاوچی ماده دن توله بولگن بیر کته موتر پارتلهتیلدی و بو پارتلش 94- ییل کابلده قانلی واقعه دییلگن. اوشبو هجوم نتیجهسیده کمیده 400 کیشی یرهلنیب و باشقه 15 کیشی هلاک بولگن.
شو کونده کابل باشقه ایکی خودکش هجومگه گواه بولگن. اوشبو ایکی هجوم نتیجهسیده پولیس اوقووچیلری و تشقی کوچلرنینگ عسکرلریدن اونلرچهسی اولیب و یرهلنگن. یوناما اوشبو کوننی 2009- ییلدن کیین، افغانستانده قانلی کون دیب اَتهگن.
اوشبو واقعه، قوراللی طالبلرنینگ سابق رهبری ملا عمرنینگ اولیمی فاش ایتیلیب و اورنیده ملا اختر محمد منصور تعیین ایتیلگنیدن بیر نیچه کون اوتگنیدن کیین یوزبیردی. افغانستان جمهور رییسی بو توغریده پاکستاننی عیبلب و نتیجهده ایکی مملکت علاقهسی یمانلشدی.
میزان آیینینگ باشیده، قوراللی طالبلر افغانستانده حاکمیتلری سقوط قیلگنیدن کیین، بیرینچی مرته قندوز ولایتینی اون کون بوتونلهی نظارتگه آلدی. افغانستان بوییچه بیرلشگن ملتلر تشکیلاتینینگ اورین باسرلیک دفتری (یوناما)نینگ گزارشی اساسیده، شونچه مدتده 289 تینچ اهالی هلاک بولیب و باشقه 559 کیشی یرهلنگن.
قندوز اوروشی جریانیده چیگرهسیز داکترلر کسلخانه اوستیگه امیریکه کوچلری تامانیدن اویوشتیریلگن هجوم، اوشبو اوروشنی جنجللی موضوعلردن بیری بولدی. بو هجومده 30 کیشی هلاک بولیب و باشقه 37 کیشی یرهلنگن.
قندوز سقوطی، 94- ییلده ملی بیرلیک حکومتینینگ رسوالیگی و اینگ کته ناکاملیگی دییلیب، مملکت یشاوچیلری بیلن سیاستچیلرنینگ جدی تنقیدلریگه روپهره بولدی.
مملکت قتناو یوللری اینیقسه کابل- قندهار قتناو یولیده یولاوچیلر قورشاگه آلینیشی و اولرنینگ قوییب یوباریلیشیگه حکومت کوچسیزلیگی، حکومت اوچون امنیتی چیگللیک و جنجللی موضوعلرگه اوزگردی.
یوزبیرگن واقعهلردن بیریده، حکومت زابلده اوغیرلنگن 31 یولاوچیدن 19 کیشینینگ تروریستلرنینگ عایله اعضاسی بیلن المشتیریشگه مجبور بولدی؛ بیراق بوندن کیین، حکومتنینگ بی فرق یاندهشیشلری، یولاوچیلرنی قورشاوگه آلیش دورانی جوزیلیشیگه سبب بولیب و نتیجهده اوغیرلنگن یولاوچیلردن ایکی عیال، بیر 9 یاشر قیز باله و تورت ایرکک شامل 7 کیشینینگ باشی عقرب آیینینگ آخریده داعش گروهی تامانیدن کیسیلدی.
اوشبو واقعه افغانستان بویلب و تشقی مملکتلرده یشاوچیلرنینگ کینگ ناراضیلیگی سبب بولیب و کابلده تکرارسیز کینگ بیر ناراضیلیک نمایشگه اوزگردی.
قوراللی طالبلر، 17- قوس، کیچ قورون قندهار هوا قونالغهسی اوستیگه هجوم اویوشتیردی. اوشبو هجوم 37 ساعت دوام تارتیب، کمیده 50 کیشی هلاک بولیب و 37 کیشی یرهلنگن.
گزارشلر اساسیده، افغانستان امنیتی کوچلری، 94- ییل سونگی کونلریده هلمند ولایتینینگ شمالی تومنلرینی طالبلرگه تاپشیرگن؛ اوشبو موضوعنی امنیتی رسمیلر «تاکتیکی آرقهگه چیکیلیش» دیب بیلهدی.
.jpg)
حربی: بیزلر مؤفق ایدیک
افغانستان مدافعه وزیرلیگینینگ سوزلاوچیسی جنرال دولت وزیرینینگ ادعا قیلیشیچه، 94- ییلده امنیتی کوچلر یوتوقلیککه عمل قیلگن و دولتگه قرشی قوراللی عصیانچیلرگه مقصدلریگه ایریشیش اوچون رخصت بیرمهگنلر. اونگه کوره، طالبلر و طرفدارلری افغانستاننی خلق ارا تروریستلر مرکزیگه اوزگرتیریش اوچون سعی و حرکت قیلگن.
جناب وزیرینینگ ایتیشیچه، امنیتی مسؤولیتلر ایچکی کوچلرگه تاپشیریلیشی و قوراللی طالبلر چمه سی 8 ولایت و 60 دن آرتیق تومننی نظارتگه آلیش اوچون هجوملرینی شدتلنتیرگنیگه قرهگنده، بو ییل افغانستان امنیتی کوچلرینینگ قربانلیگی اوتگن ییللرگه نسبتن کوپهیگن.
وزیرینینگ ایتیشیچه، امنیتی کوچلر هلمند ولایتینینگ باغران و دیشو تومنلری، سرپلنینگ کوهستان تومنی، غزنینینگ ناوه تومنی، زابلنینگ خاکافغان تومنی و بدخشاننینگ ایکی تومنیدن باشقه، مملکتنینگ برچه منطقهسیده حاکم بولگن.
شونینگدیک، مدافعه وزیرلیگینینگ اوشبو ملازمیگه کوره، حربی کماندو و ییر کوچلری ییترلی شکلده جهازلنگن و برچه اوروش منطقهلریده مؤفق عمل قیلهدی. بیراق کوپهیتیریشیچه، 94- حربی هوا کوچلری موجود تورت حربی تیکاوچر و نیچه اوروش تیکاوچر یانیده، حاضرگچه آرتیقچه جهازگه احتیاج دیر.
پولیس: طالبلرگه نسبتن آز قربانلیک بیرگنمیز
ایچکی ایشلر وزیرلیگینینگ سوزلاوچیسی اورین باسری نجیبالله دانش، پولیس قربانلیگینی مخالفلرنینگ قربانلیگیگه ماسلشتیریب ایتیشیچه، دیمک اوتگن ییللرگه قرهگنده پولیس قربانلیگی کوپهیگن؛ بیراق اوشبو رقم مخالفلرنینگ قربانلیگیگه قرهگنده جوده هم آز بولگن.
جناب دانشنینگ سلاموطندارگه ایتیشیچه، 94- ییل جریانیده، قوراللی عصیانچیلر 18 ولایتده تشبثلرینی کوپهیتیرگن و امنیتی کوچلر اوشبو ولایتلرده اوروش جبههلرینی سقلهگن.
اوشبو ییل جریانیده، قورشاوگه آلیشلر توغریسیده اونینگ ایتیشیچه، ایچکی ایشلر وزیرلیگی سونگی آلتی آیده قتناو یوللرده قورشاوگه آلیشلر کمهیتیریلیشی اوچون خاص چاره تدبیر کورگن. اونگه کوره، قورشاوگه آلیش میزانی کوپ بولگن کابل- قندهار قتناو یولیده، حکومت ثابت و سیار قرارگاهلر و گزمه قورگن.
شونینگدیک، روسیه تامانیدن افغانستان امنیتی کوچلریگه بیریلگن 10 مینگ میل کلاشینکوف توغریسیده ایتیشیچه، دنیا جماعهچیلیگینینگ اعضاسی، پولیس کوچلرینی عصری اسکونهلر بیلن جهازلهشی توغریسیده سوزبیرگن.
