ناتو نینگ ایتیشیچه، کرونا ویروسی کینگهیگن بیر حالده اوشبو تشکیلات وضعیت نی کنترول آستیده آلیش اوچون نهادلر و افغانستان خوفسیزلیک کوچلریدن حمایت قیلهدی.
اوتگن کون (جمعه 5- ثور) ناتو تامانیدن ترقهتیلگن خبرنامهده کیلیشیچه، بو تشکیلات کرونا ویروسی گه قرشی کورهشیب و افغانستان یشاوچیلری نینگ ساغلیگی نی سقلهیدیگن امنیتی کوچلرنینگ سعی و حرکتیدن قدردانلیک و حمایت قیلهدی.
ینگیلیکده، ناتو پنجشیر و پروان خوفسیزلیک کوچلریگه بیر قنچه ماسک، قولقاپ و میکروب نی اولدیرهدیگن ماده یاردم بیردی. ناتو گه کوره، مذکور یاردملر 7 مینگ ماسک، 8 مینگ جوره قولقاپ و بیر قنچه میکروب نی اولدیرهدیگن مادهدن عبارت دیر.
شونینگدیک، ناتو باش کاتبی ینس استولتنبرگ، افغانستانلیک همکارلری نینگ یاردمی بیلن کرونا ویروسی نینگ آلدینی آلیش اوچون اقدام قیلگنلریدن خبر بیرگن ایدی.
عین حالده، اوشبو تشکیلات نورستان خوفسیزلیک کوچلریگه بیر قنچه ساغلیک ملزمهلر یاردم بیرگن ایدی.
او، آنلاین خبری بیر ییغین اوتکزیب خبرچیلرگه ایتیشیچه، افغانستان ده کیسکین حمایوی کوچلردن قطاری کرونا ویروسی گه چلینگن ایکن کیم ناتو اولرنینگ بو مملکتدن تشقی چیقاریب و شونینگدیک اولردن قطاری قرنطین قیلینگن.
عین حالده استولتنبرگ نینگ ایتیشیچه، بو تشکیلات ساغلیک ملزمهلر یاردم بیریش گه علاوه، مذکور کوچلرگه تعلیمات و مصلحت بیریش گه اوزینی مجبور بیلهدی.
او، مذکور آنلاین خبری ییغین ده ایتیشیچه، کیسکین حمایوی کوچلر افغانستان امنیتی کوچلری و نهادلریدن حمایت قیلیش توغریسیده بیرگن وعدهلریگه پابند دیر و شو یوزهدن اهالی نینگ سقلش و بو مملکتده تینچلیک اوچون زمینه یرهتیش توغریسیده سعی و حرکتلریگه دوام بیرهدی.
شونینگدیک بوندن آلدین ناتو، هلمند و نمیروز خوفسیزلیک کوچلریگه ساغلیک ملزمهلر یاردم بیرگن ایدی. اوشبو یاردملر 13 مینگ ماسک، 1 مینگ ساغلیک کییم و میکروب نی اولدیرهدیگن ماده دن عبارت ایدی.
افغانستان ده حاضرگچه 1463 کیشی کرونا ویروسی گه چلینگن کیم بولردن، 47 تهسی جان بیرگن.
