طالبان گروهی تخار ولایتینینگ خواجهغار و بهارک تومنلرینی تصرف قیلگنیدن سونگ، اوزلرینی تالقان شهریده ییقینلشتیرگن.
تالقان یشاوچیلری نینگ اوروش دواملی بولگنیدن تنقید قیلیب ایتیشیچه، طالبان گروهینی نابود قیلیش خصوصیده امنیتی کوچلر ضعیف عمل قیلهدیلر.
تخار ولایتی کینگش اعضالری نینگ طالبان فعالیتی کوپهیگنیدن خواطر بیلدیریب ایتیشیچه، امنیتی کوچلر طالبان گروهینی نابود قیلیش کوچینی قولدن بیرگن.
تخار ولایتیدن حکومتی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، امنیتی مقاملر باشکنتدن تالقان شهریگه کیلگن؛ بیراق طالبان گروهینی نابود قیلیش اوچون ییترلیچه کوچ کیلمهگن.
بیراق، تخار حاکمی سوزلاوچیسی جواد هجری نینگ ایتیشیچه، طالبان گروهیگه قرشی حربی عملیات بوگون "چهارشنبه" ایرتهلب تالقان شهری نینگ ابدال قیشلاغیدن باشلنگن و حاضرگهقدر بیرقطار قیشلاقلر طالبان وجودیدن تازهلنگن.
شونینگدیک، خواجهغار تومنی حاضرده هم طالبان نظارتیگه دیر، بیراق بهارک تومنی نینگ یالغیز پولیس قومندانلیگی و تومن بناسی امنیتی کوچلر قولیگه و باشقه منطقهلری طالبان نظارتیگه دیر.
شوتوغریده…
