قندوز ولایتینینگ والیسی اسدالله عمرخیلنینگ ایتیشیچه، اوشبو ولایت قوراللی طالبلردن بوتونلی تازهلنمهگن حالده، اوشبو حرکت روسیه بیلن علاقه قورهدی.
قندوز ولایتینینگ والیسی بوگون (سهشنبه) ولایتنینگ بلند مرتبهلی رسمیلری شامل چیت ایللیک قوماندانلر بیلن خبری ییغین اوتکزگن اسدالله عمرخیل، طالبلرنینگ روسیه بیلن بولگن علاقهسی آلدی آلینمهگن تقدیرده، افغانستان کیلهجکده جدی قیینچیلیک بیلن روپه ره بولهدی دیگن.
افغانستان ایچکی ایشلر وزیری تاج محمد جاهد، مدافعه وزیری عبدالله حبیبی، جمهور رییس نینگ ملی امنیت مصلحتچیسی حنیف اتمر، مملکتده کیسکین مامورت عمومی قوماندانی جان نیکلسون بوگون توشدن آلدین قندوز ولایتیگه سفر قیلیب، ولایت قوم یاش اولوغلری همده بلند مرتبهلی رسمیلری اشتراکیده قوشمه ییغین اوتکزیدیلر.
ییغینده اشتراک قیلگن قندوز ولایتینینگ بیر قطار مدنی فعاللری، اوشبو ولایت دولت قوراللی مخالفلریدن تازهلنمسلیگی اوچون مرکز حکومتنی عیبلهگنلر. مدنی فعاللر، ولایتنینگ بعضی منطقهلری قوراللی طالبلر تامانیدن اداره ایتیلیشی سبب ولایتنینگ بیر قنچه اهالیسی هنوز هم آوارهلیکده حیات کیچیرهدی دیگنلر.
قندوز خوفسیزلیک وضعیتی قانیقرلی ایمسلیگینی تصدیق ایتگن ایچکی ایشلر وزیری تاج محمد جاهد، سونگی بیر ییلدن بیری دولت قوراللی مخالفلری بو ولایت ده بعضی مرکز لرنی ایجاد قیلگنلر. لیکن، او افغانستان حکومتینینگ مسووللر قندوز ولایتی جنگری طالبلردن تازهلهنیشی اوچون قرار لری جدی ایکنلیگی اوستیده تاکید ایتگن.
جمهور رییس غنینینگ ملی امنیت مصلحتچیسی حنیف اتمر، قندوز ولایتیده اوتکزیلهدیگن حربی عملیاتنینگ ایکینچی باسقیچیده بو ولایت جنگری طالبلردن بوتونلی تازهلهنیشی توغریسیده ایشانچ بیرگن.
اتمرگه کوره، حاضر هم مملکت نینگ 33 ولایتیده دولت قوراللی مخالفلریگه قرشی اوروشنینگ جریانی بار. لیکن، قندوز مملکتده جنگریلرنینگ اینگ جدی نظریده آلینگنی اوچون آغیر اوروش دوام ایته دیگن ولایتلریدن ایکنلیگی گه اشاره قیلگن.
شونینگدیک افغانستان خلق ارا حربی کوچلرنینگ کیسکین ماموریت قوماندانی جنرل جان نیکلسون، ولایتده اوتکزیلهجک حربی عملیاتده خلق ارا کوچلری حمایت قیلیشینی اعلان قیلگن. اونگه کوره، شفق ناملی حربی تازهلش عملیات اوشبو ولایتده باشلهنیب مذکور ولایتده اوز پایانیگه ییتهدی دیگن.
