بوندن اوچ ییل آلدین جنگری طالبلر پلانلشتیریلگن بیر برنامه اساسیده اوز هجوملرینی بدخشان ولایتینینگ وردج ولسواللیگیدن باشلب، زمان اوتیشی بیلن بدخشان ولایتینینگ ایریم ولسوالیکلرینی اوز تصرفلریگه آلدی.
بدخشان والیسی نینگ اورین باسری گل محمد بیدار، جنگری طالبلر ولایت نینگ آلتی ولسواللیگیده عملده فعال بولگن لیکلرینی ایتگن. بدخشان ولایتیده جنگریلرنینگ اصلی مرکزی سنلگن وردج ولسواللیگینینگ درهء خستک منطقه سیده عصیانچی طالبلرگه قرهشلی اوزبیکستان، تاجیکستان، ترکیه و چیچین وطنداشلریدن عبارت 150 دن 200گه یقین عایله جایلشتیریلگنی ایتیلهدی. جناب بیدار، مذکور خانه دانلر بلاغت یاشیگه ییتمه گن گودکلرنی طالبلر صفیگه آلیش همده اولرگه چریکی اوروش فنلرینی اورگه تیش اوچون اوظیفه لنتیریلگن ایکن لیکلرینی بیلدیرگن.
شونینگ دیک جناب بیدار، خستک منطقه سیده ییرلشگن خارجی جنگری گروهلر غلچهوی بمب ایشلب چیقاریش، خودکش هجوم واسکتلر و زمانوی بمبلرنی ایچکی عصیانچیلرگه اورگه تیش مسؤولی بولگن لیکلرینی ایتگن.
بیدار، پاکستان استخبارات اداره سی بدخشان ولایتینی ایکینچی جنوبی وزیرستانگه اوزگرتیریش اوچون سعی و حرکت قیله یاتگنلیگی باره سیده تاکیدله گن. بدخشان ولایتینی قوراللی طالبلردن تازهلش نیتیده نیچه مرته حربی عملیاتلر اوتکزیلگن. ولایت امنیه قوماندانلیگینینگ سوزچیسی لعل محمد احمدزی نینگ ایتیشیچه، فقط جاری ییل دوامیده 25 مرته تازهلش حربی عملیات اوتکزیلگن. اما، مذکور عملیاتلر قوراللی طالبلرنی ایلدیزدن یوق ایتیش اوچون ایجابی نتیجه بیرمه گن.
نیمه اوچون بدخشانده امنیت قیتهدن تیکلنمیدی؟
بو سوراققه ولایت والیسی نینگ اورین باسری، بدخشان ولایتی تاغلی حدود بولگنلیگی، هوایی حمایت یوقلیگی و اوروش شرایطینی چیگیل بولگن لیگینی سبب قیلیب کورستهدی. جناب گل محمد بیدار، جنگری گروهلر زمانوی قورال اسلحه بیلن جهازلنگن، پیسترمهده بولگن دشمن بیلن یوزمه – یوز اوروش قیینلیگی حقیده اورغولیدی. هوایی امکانیت بولمه گنلیگی اوروشنی قیینلشتیرگنینی تصدیقله گن ولایتی کینگش اداره سی نینگ باشلیغی عبدالله ناجی نظری، بدخشان نینگ ولسواللیکلری جنگریلردن تازهله نیش اوچون افغانستان ملی مدافعه وزیرلیگینی بی فرق یاندهشه یاتگنلیگیگه عیبله گن. نظریگه کوره: « جنرال ویسا رهبرلیگیدهگی شاهین قول اردوسی قوشیمچه مملکت ملی مدافعه وزیریگی بدخشان مساله سی اوچون هر دایم سلیقهوی یاندشگن لر» نظری، دایمی وقتینچهلیک اوروش، امنیتی کوچلرنی خسته لنتیریب، دشمن روحیه سینی کوچلنتیرگن لیکینی ایته دی.
بدخشاندهگی اوروش ایلدیزلری
بدخشان ولایتینینگ سرپرستی شاه ولی الله ادیب ماموریتی زمانیده ولایت نینگ نابرقرارلیگی آشگنی ایتیلهدی. اونگه کوره، پاکستان؛ ایپک یولی چین بیلن باغلهنیش لایحهسی آلدی آلینیشی اوچون هر دایم بو ولایتنی نابرقرار قیلیشگه اولگوریشینی معلوم قیلگن.
اما، قوراللی طالبلرنی نابود قیلیش اوچون نیچه مرته اوز طرفدارلرینی توپله گن همده جهادی قوماندانلر فیض آباد شهری نینگ شهرداری جنرال نذیر محمد نیازی بدخشان ولایتیده قوراللی طالبلرنی دییرلی نفوذی بولمهگن لیگینی ایتهدی. اونینگ ایتیشیچه، بدخشاندهگی اوروش نینگ اصلی عاملی ایچکی مسالهلردن کیلیب چیقهدی. ناسالیم رقابتلرو ایچکی قرمه قرشیلیکلر مملکت شمال شرقیده جایلشگن بدخشان ولایتینی خوفسیز بولیشیگه کته عامل دیدی جناب نذیز محمد نیازی.
نازی نینگ کوپهیتیریشیچه، دولت امکانیت یرهتیب بیرگن حالده، جنگری طالبلرنی ایلدیزدن یوق قیلیش قابیلیتیگه ایگه.
بدخشانلیک قطار مدنی جماعه چیلیک ادارهلرنینگ فعاللریگه کوره، محلی زوروانلر ایچیدهگی موجود قرمه قرشی لیکلر ولایت امنیتی بوزیلیشیگه اساسی نقشی بار. منطقه دهگی موجود لاجورد کانللریگه قول تاپیش ایچکی ضدیتلر النگه سی آشیش سبب بولهدی دیدی مدنی فعاللر. شونینگ دیک بدخشان ولایتی ولایت کینگشی نینگ رییسی، ولایتده اوروش النگهسی دایمی قالیشی اوچون ایچکی قوللرنی اساسی رولی بارلیگینی بیلدیرگن.
بوندی بیر شرایط بدخشان ولایتیده حکم فرمالیگیگه قرهمسدن، مرکزی دولت جنگری طالبلر بوتونلی یوق ایتیلیشی اوچون هنوزگچه هیچ قندی اساسی تدبیر آلمه گنلیگی ایتیلهدی. مرکزی دولت هر دایم بدخشان ولایتی نینگ جوی وضعیتینی انابتگه آلیب دولت قوراللی مخالفلرینی نابود قیلیشده اولگورمه گن.
