ننگرهار ولایتینینگ خوگیانی، شیرزاد و حصارک تومنینینگ یشاوچیلری، امنیتی کوچلردن عملیاتلر جریانیده تینچاهالی تلفاتیگه توسیق بولیش اوچون دقت قیلیشینی سورهگنلر.
اولرنینگ بیر ناراضلیک نمایش آرقهلی ایتیشیچه، اوتکن 3 آی جریانیده عیاللر و بالهلر شامل 160 تینچاهالی امنیتی کوچلرنینگ عملیاتلری جریانیده هلاک بولگن.
ناراضچیلرینینگ ایتیشیچه، امنیتی کوچلر تینچاهالینینگ جان و ماللریگه دقت قیلمهگن صورتده، اولر امنیتی کوچلر بیلن بولگن رابطهلرینی کیسیب قویهدی.
خوگیانی تومنینینگ قوم بویوک‌لریدن بیری ابراهیم نینگ ایتیشیچه، 02 قطعهسینینگ عملیاتلری باعث مذکور تومن قطار یشاوچیلری اویلرینی ترک قیلگنلر.
بوتوغریده امنیتی رسمیلر فکرلرینی آلیش اوچون سعی و حرکت قیلدیک بیراق موفق بولمهدیک.
بیرلشگن ملتلر تشکیلاتینینگ گزارشی اساسیگه، هوایی هجوملر باعث تینچاهالینینگ تلفاتی 52 فایز کوپهیگن.
