پروان ولایتیده، هدفلی قتللر و طالبان گروهیگه تیگیشلی بولگن کیشیلرنی تحرکاتلرینی کوپهیشی اوشبو ولایت مدنی فعاللرینی خواطرلنتیرگن.
پروان مدنی فعاللریدن بیرقطارینینگ ایتیشیچه، بو ولایت یشاوچیلرینینگ خوفسیزلیگینی تامینلش اوچون امنیتی کوچلر دقت قیلمهیدی.
اولرنینگ آگاهلنتیریشیچه، بو قیینچیلیک حل ایتیلمهگن صورتده، هدفلی قتللر کوپهیدی و دولت ایشلاوچیلری شامل هیچکیم امان قالمهیدی.
پروان ولایتیده مدنی نهادلر مسوولی داکتر محمدشفیع مشفق و مدنی فعاللردن بیری محمدجواد راسخنینگ ایتیشیچه، امنیتی ادارهلر آرهسیده هماهنگلیک یوق دیر و اولر سیاسی تارتیشوولر بیلن مشغل دیرلر.
اولرنینگ ایتیشیچه، امنیتی کوچلرنینگ آرهسیده هماهنگلیک یوقلیگی باعث، اوتکن 24 ساعت جریانیده 4 پولیس ترور ایتیلگن.
شوتوغریده…
- بدخشانده ناتینچلیک کوپهیگنی باعث، یشاوچیلر ناراضیلیک بیلدیرگن
فاریابده ناتینچلیکلر شدتلنگن؛ اونلرچه عایله یول چیکَّهسیده یاتیشهدیلر
عینحالده، پروان امنیتی مسووللر، مدنی فعاللرنینگ بو ادعالرینی رد قیلهدی.
پروان پولیس قومندانی جنرال محمدمحفوظ ولیزادهنینگ سلاموطندارگه ایتیشیچه، اوتگن 10 آی جریانیده 2 قتل واقعه بو ولایتده یوز بیرگن و اوشبو ولایت امنیتی وضعیتی امنیتی کوچلر نظارتیگه دیر.
پروان مدنی فعاللرنینگ کوپهیتیریشیچه، یشاوچیلر امنیتینی تامینلشگه امنیتی کوچلر مسوول دیر و تینچلیکنی تامین قیلیش اوچون اولرنی سعی و حرکت قیلیشی کیرهک.
