بادغیس محلی مسووللری نینگ ایتیشیچه، بو ولایتده مدافعه وزیرلیگی تامانیدن اویوشتیریلگن عملیات نتیجهسیده، کماندو کوچلریدن 20 تهسی هلاک ایتیلگن.
بادغیس ولایتی کینگش اعضاسی فرید اخیزی نینگ ایتیشیچه، اوتگن کونی بامداد چاغیده مدافعه وزیرلیگی مسووللری بو ولایت امنیتی و محلی مسووللری بیلن هماهنگلیک قیلمسدن آبکمری تومنیده بیرعملیات یولگه قوییگن.
اونینگ ایتیشیچه، کماندو کوچلری آبکمری تومنی نینگ «میدهگل» منطقهسیده تیکاوچردن توشگنیدن سونگ، طالبان قمراویگه قرار تاپیب نتیجهده بو کوچلردن 18 تهسی هلاک، 11 طالبان قولیگه اسیر بولیب و باشقه 10 تهسی درکسیز یوقالگن.
ایتیلیشیچه بو عملیات آبکمری تومنیده طالبان تامانیدن ناملنگن ولسوال ملانورآقا حیدرینی قولگه آلیش اوچون یولگه قوییلگن ایکن.
بادغیس حاکمی عبدالغفور ملکزی نینگ بو خبرنی تصدیقلب سلاموطندارگه ایتیشیچه، بو عملیات محلی مسووللر بیلن هماهنگلیک بولمهگن بیرچاغده، مدافعه وزیرلیگی مقاملری تامانیدن آبکمری تومنیده یولگه قوییلگن. بادغیس حاکمی بو عملیاتده کماندو کوچلریدن 20 تهسی نینگ هلاک ایتیلگنینی تصدیقلیدی. اونینگ ایتیشیچه، طالبان جنگریلریدن کمیده 25 تهسی بو واقعهگه هلاک ایتیلگن.
آبکمری تومنی ولسوالی خداداد نینگ ایتیشیچه، طالبان ولسواللری و قومندانلری مذکور عملیات یولگه قوییلگن منطقهده تیریکچیلیک قیلهریکن، بیراق ایکی کون آلدین بو منطقهنی ترک قیلگن ایکنلر.
طالبان گروهینی بیر خبرنامه آرقهلی ادعا قیلیشیچه، بو عملیاتده کماندو کوچلریدن کمیده 40 تهسی هلاک ایتیلگن و مذکور کوچلر قطار حربی تجهیزاتلری اولرگه قولیگه توشگن.
ملی مدافعه وزیرلیگی نینگ بیرخبرنامه آرقهلی ایتیشیچه، آبکمری تومنیده امنیتی کوچلر تامانیدن اویوشتیریلگن هوایی و ییر عملیاتی نتیجهسیده طالبان جنگریلریدن 30 تهسی هلاک ایتیلیب و باشقه 23 تهسی یرهلنگن دیر.
