مملکت جمهور رییسی محمداشرفغنی، بروکسل ییغینیگه قدر افغانستان اعتبارلی بیر بودجهگه ایگه بولیشی ممکن دیگن. (سام) یا افغانستانگه یاردم کورسته دیگن مملکتلرنینگ ییغینیده بوگون نطق سوزلهگن افغانستان جمهور رییسی محمداشرفغنی، مذکور بودجه شک و تردید اساسیده ایمس بلکه افغانستان رواجلهنیش همده اقتصادی وضعیتی نظرده توتیلگن حالده پیش بینلیک قیلینگن دیگن.
غنی، بیزنینگ درآمد بروکسل ییغینی گچه سیزیلرلی درجهده کوپیهدی دیگن. اونگه کوره، افغانستان اقتصادی حل یولی تیزیم اصلاحاتیگه تیگیشلی دیر. افغانستان خارجی مملکتلر مالی همکارلیگی بیلن سرمایه یاتقیزییش و ینه اهالینی ایش جایلری بیلن تامین قیلیش اوچون جدی سعی وحرکت قیلهدی.
جمهور رییس، افغانستان حکومتی اهالیگه ایش جایی یرهتیب بیرمهگن حالده، هیچ بیر زمان اقتصادی لایحهلرینی عملگه آشیره آلمیدی دیگن.
اونگه کوره، مملکت کوپچیلیک جمعیتینی یاشلر تشکیل ایتهدی و بو انسانی منبع اوچون سرمایه یاتقیزیلیشی درکار.
اونینگ سوزلریگه کوره، افغانستان اقتصادی حل یولی نینگ بیرینچی ستونی ایچکی ایشلب چیقاریله دیگن محصولاتنی آشیریش و ینه ایکینچیلیک، کان، آستقورمه و منطقه مملکتلری بیلن باغلهنیشگه تیگیشلی.
افغانستان جمهور رییسی، بو راهبرد نینگ ایکینچی ستونی، افغانستان منطقه مملکتلری همکارلیگی بیلن دنیا بازارلریگه قوشیلیش دیر و مملکت دنیا بازارلری بیلن باغلهنیشی افغانستانده اقتصاد رواجلهنیشی اوچون ییریک بیر فرصت.
جمهور رییس سوزلریگه قرهگنده، مذکور حل یولنینگ اوچینچی گزینهسی دولت خصوصی بولیم بیلن یانمه یان همکارلیکده بولیب اقتصادنی اوستدیریش.
اونینگ سوزلریگه کوره، افغانستان اقتصادی حل یولی نینگ بیرینچی ستونی ایچکی ایشلب چیقاریله دیگن محصولاتنی آشیریش و ینه ایکینچیلیک، کان، آستقورمه و منطقه مملکتلری بیلن باغلهنیشگه تیگیشلی.
افغانستان جمهور رییسی، بو راهبرد نینگ ایکینچی ستونی، افغانستان منطقه مملکتلری همکارلیگی بیلن دنیا بازارلریگه قوشیلیش دیر و مملکت دنیا بازارلری بیلن باغلهنیشی افغانستانده اقتصاد رواجلهنیشی اوچون ییریک بیر فرصت.
جمهور رییس سوزلریگه قرهگنده، مذکور حل یولنینگ اوچینچی گزینهسی دولت خصوصی بولیم بیلن یانمه یان همکارلیکده بولیب اقتصادنی اوستدیریش.
جنابغنی، افغانستان کابینهسی سرمایه یاتقیزووچیلر ایش جوازینی بیرییلدن اوچ ییلگه آشیرهدی و بو سرمایه یاتقیزووچیلر اوچون ییریک بیر قُولیلیک دیگن.
غنینینگ خصوصی بولیم حمایت ایتلیشی اوچون زمینه یرهتیلیشی بارهسیده ایتیشیچه، بیز مملکتدهگی ایچکی و تشقی شرکتلرنی ایشلب چیقاریش همده اهالیگه ایش جایی یرهتیب بیریشلری اوچون جدی حمایت قیلهمیز.
افغانستان جمهور رییسی نینگ ملی بیرلیک حکومتی سعی وحرکتلری توغریسیده ایتیشیچه، حکومت اجراییه باشلیغی عبدالله عبدالله بیلن تینچلیک، حقوق بشر، عیاللر حقی و فسادگه قرشی کورهشیشده دوام ایتیرهدی.
جنابغنیگه کوره، افغانستان سرمایه یاتقیزووچیلرنی حمایت قیله دیگن اداره همده تجارت وزیرلیگی اوز مصلحتلرینی افغانستان صنعتچیلر انجمنی، اورته سرمایه یاتقیزووچیلر وعیاللر تامانیدن یاتقیزیله دیگن سرمایهلر بارهسیده شریک قیلیب تورگن.
شونینگدیک جنابغنی، افغانستان ملی بیرلیک حکومتی واحد بیر تیم صفتیده بیر قرهشگه ایگه بولیب، مملکت اوزگرتیریلیشی همده مملکت فرزندلری اوچون یاروغ بیر کیلهجک یرهتیشگه اولگورهدی.
اشرفغنیگهکوره، افغانستان خلقی تینچلیککه علاقمند و تینچلیک مذاکرهلری حاضرگی قان توکیشلرگه پایان بیریلگونگه قدر دوام ایتهدی.
شوکبی جمهور رییس غنی کیچه سام ییغیلیش مراسمی نینگ آچیلیشیده ایتیشیچه، اوزگریش دههسی اوز پایانیگه ییتیشیشی بیلن افغانستاننی خارجی کومکلرگه بولگن احتیاجی کمَیهدی. افغانستان جمهور رییسی افغانستان منطقه مملکتلری بیلن قوشیلیشی افغانستانگه ینه بیر مرته آسیا ترانزیتی چهار راهه سی اوزگریشی اوچون امکامنیت بیرهدی دیگن.
افغانستان ایشلری بوییچه بیرلشگن ملتلر تشکیلاتینینگ مخصوص نمایندهسی نیکولاس هیسم نینگ سوزلریگه کوره، افغانستان خلقینینگ وضعیتی اوگزیریشی بیر ضرورت دیر و دنیا جماعهچیلیگی بو مملکتگه بولگن همکارلیکلریگه دوام ایتیرهدی.
