فاریاب ولایتی نینگ شیرینتگاب تومن محلی مسئوللری، اهالی طالبان گه قرشی قیام قیلگنیدن خبر بیرهگن.
شیرینتگاب تومن ولسوالی زینالله ذکی نینگ سلاموطندارگه ایتیشیچه، منطقه یشاوچیلری حاضرگچه طالبان گروهی نینگ نیچه چکپاینتی نی نظارت گه آلگن و شونینگدیک مذکور تومن اوچون طالبان تامانیدن ناملنگن ولسوال نینگ قرارگاهی اهالی نینگ قمرویگه دیر.
جناب ذکی گه کوره، شیرینتگاب یشاوچیلری طالبان گروهی بو تومن یشاوچیلری برابریده ظلم قیلگنی و افغانستان اوچون ترکمنستان تامانیدن اَجرهتیلگن یاردملردن 5 موتری نینگ توختهتیلیشی باعث قیام قیلگن.
عین حالده، شیرینتگاب یشاوچیلری نینگ ایتیشلریچه، حاضرگچه طالبلرنینگ ایکی قرارگاهی نی بیر قنچه حربی قورال بیلن قولگه کیلتیرگنلر.
اولرنینگ کوپهیتیریشیچه، شونینگدیک حاضر مذکور گروه نینگ بیر کتته قرارگاهی نی قولگه آلیش اوچون سعی و حرکت قیلماقدهلر.
شیرین تگاب محلی مسئوللری نینگ ایتیشلریچه، طالبان قیامچیلرنی اوزاقلنتیریش اوچون نیچه هوایی اوق آتیشگن کیم نتیجهده، 4 کیشی یرهلنگن.
طالبان گروهی حاضرگچه بو توغریده فکر بیلدیرمهگن.
