"UNFPA" یا بیرلشگن ملتلر تشکیلاتی جمعیت صندوغی 2015- ییلدهگی دنیا جمعیتی بارهسیدهگی ینگی گزارشنی کابلده نشر قیلدی. اوشبو گزارشده یازیلیشیچه، میلادی 2015- ییلده افغانستان خلقی 2.2 میلیونینینگ آذیق آوقت خوفسیزلیگی بولمهگن.
بیرلشگن ملتلر تشکیلاتی بو گزارشنی دنیا بویلب بالهلر همده عیاللر وضعیتیگه اساسلب تیار قیلیب نشر ایتگن.
اوشبو گزارشده یازیلیشیچه، میلادی 2014- ییلده افغانستانلیک 805 کیشی امنیتی و طبیعی حادثهلر طفیلی زیان کورگنلر. شونینگدیک حساباتده قید ایتیلیشیچه، بیرلشگن ملتلر تشکیلاتی قاچقینلر ادارهسینینگ گزارشیده 2015- ییل جریانیده اوروشلر و نابرقرارلیکلر افغانستانلیک 643 مینگ خلقنی اوز اوی جایلریدن آواره قیلگن و اولرنینگ 46%نی عیاللر تشکیل ایتهدی.
افغانستانده بیرلشگن ملتلر تشکیلاتی جمعیت صندوغی نمایندهلیگینینگ اورین باسری دکتر ویلفرد اوچان مذکور گزارشنی ترقهتیش چاغیده ایتیشیچه، هر ییل بیر میلیون افغانستانلیک اوروش و نابرقرالیکلر باعث اوز ییش اوی جایلریدن آواره بولهدیلر. بولردن 240 مینگ کیشیسی ایسه کوز یاریش پیتیده جدی احتیاجلری بولگن قیزلر و خاتین لردن عبارت دیر.
شونینگدیک جمعیت صندوغینینگ گزارشیده کیلیشیچه، میلادی جاری ییلده افغانستان خلقینینگ 900 طبیعی واقعهلرده یرهلهنیب هلاک بولگنلر و اولرنینگ 122 نفری ایسه عیاللر دیر.
جناب اوچانگه کوره، بو ادارهنینگ پیشبینلیگیده میلادی 2016- ییلده امنیتی و طبیعی حادثهلر سبب بو رقم ینه 250 مینگ کیشیگه آشیشی ممکن لیگی بارهسیده خواطر بیلدیرگن..
بو حساباتنینگ معلوم قیلیشیچه، حاضر دنیا بویلب 100 میلیون انسان دستلبکی یاردملرگه احتیاجی بار و لردن 26 میلیونینی خاتین قیزلر تشکیل ایتهدی.
بو گزارشنینگ یازیشیچه، حاضرگی وقتده افغانستان خلقینینگ 7.4 میلیونی بشری وانسانی کومککه ضرورتی بار و اولرنینگ 3.4 میلیونیگه ایسه جدی اعتبار بیریلیشی لازم.
