بوگون "چهارشنبه" انسان حقوقی ایرکین کمیسیونی نینگ بیر گزارش آرقهلی ایتیشیچه، هییت کونلریده مملکت 7 امنیتی واقعهگه گواه بولگن و نتیجهده 32 کیشی هلاک و باشقه 122 کیشی یرهلنگن.
مذکور گزارشگه کوره، لوگر مرکزی پلعلم ده حربی بیر مرکزیده یوز بیرگن پارتلش عاقبتیده 4 کیشی هلاک و باشقه 57 کیشی یرهلنگن.
گزارشگه کوره، هرات شهری نینگ 12- ناحیهسیده ناتانیش قوراللی کیشیلر تامانیدن تشلنگن قول بمی نتیجهسیده 15 تینج اهالی یرهلنگن.
اوشبو گزارشده ایتیلیشیچه، ارزگان ولایتی نینگ دهراوود تومنیده بیر ماین نینگ پارتلشی عاقبتیده عیاللر و بالهلر شامل 4 کیشی هلاک ایتیلگن.
انسان حقوقی ایرکین کمیسیونی نینگ ایتیشیچه، اسد آی نینگ 11- تاریخیده عصمتالله سلام ناملی مدنی فعاللریدن بیری غزنی ولایتیده دولتگه قرشی قوراللی کیشیلر تامانیدن اولدیریلگن.
مذکور گزارشده ایتیلیشیچه، ننگرهار قماقخانهسیده اویوشتیریلگن قوراللی هجوم عاقبتیده کمیده 20 کیشی هلاک و باشقه 50 کشی یرهلنگن.
شونینگدیک، انسان حقوقی ایرکین کمیسیونی نینگ گزارشیگه کوره، لوگر ولایتی نینگ برکیبرک تومنیده ملی اردو عسکری تامانیدن آتیلگن اوقلر نتیجهسیده ایکی تینچ اهالی جان بیریگن و بو واقعه اوشبو کمیسیون تامانیدن تیکشیریلهدی.
لوگر مرکزی نینگ «پوزهنیازی» منطقهسیده بیر تینچ اهالی مردمی کوچلر تامانیدن اولدیریلگن.
کمیسیون نینگ کوپهیتیریشیچه، اسد آی نینگ 9- تاریخیده قندهار ولایتی نینگ اسپینبولدک تومنیده پاکستان حربیلری نینگ راکتی هجوملری نتیجهسیده 104 کیشی هلاک و یرهلنگن.
