.jpg)
غور ولایت کینگشی اعضالری و یشاوچیلریدن بیرقطاری، اوشبو ولایت نینگ پسابند تومنیده ناتینچلیکلر میزانی آشگنیدن خواطر بیلدیریب آگاهلنتیریشیچه، دولت امنیتی تهدیدلرنی رفع ایتیش گه حرکت قیلمهگن صورتده، بو تومن طالبان نینگ قولی گه سقوط قیلیشی ممکن.
غور ولایت کینگشی اعضاسی محمد مهدوی نینگ ایتیشیچه، طالبان پسابند تومنیده توپلنگن و غور ولایتی اوچون مذکور گروه نینگ والیسی و اورین باسری اوشبو تومن گه کیلیشگن.
غور یشاوچیلری پسابند تومنی نینگ امنیتی وضعیتی نی خواطرلی بیلیب ایتیشلریچه، طالبان هر تاماندن مذکور تومن گه هجوم قیلگن و امنیتی کوچلر تدبیر آلمهگن صورتده، پسابند طالبان نینگ قولی گه سقوط قیلیشی ممکن.
پسابند تومنیده جایلشگن «آبک» آتلی پوسته اوستیگه طالبان تامانیدن ینگیلیک ده اویوشتیریلگن هجوم نتیجهسیده 7 پولیس جان بیرگن و باشقه بیر پولیس یرهلنگن.
شونینگدیک، پسابند امنیتی رسمیلری، اوشبو تومنده امنیتی تهدید بلندلیگینی تصدیقلب ایتیشیچه، پولیس حربی جهاز و مهمات کملیگی گه روپهره بولگن.
پسابند تومنی نینگ پولیس قومندانی فخرالدین، اوشبو تومنده امنیتی وضعیت یامانلیگی دن خواطر بیلدیریب و پسابند ده طالبان هجومی نی سونگی آلتی ییل ده تکرارسیز دیگن.
اونینگ ایتیشیچه، غور ولایتی اوچون طالبان تامانیدن ناملنگن والی و اورین باسری گه علاوه، مذکور گروه نینگ 200 دن آرتیق موترسایکل سوار جنگریسی اوشبو تومن گه کیرگن.
بیراق، پسابند تومنی نینگ پولیس قومندانی، اوشبو تومن طالبان نینگ قولی گه سقوط قیلیشی آلدی آلینیشی گه تأکیدلیدی.
غور حاکمی نینگ سوزلاوچیسی محمدعارف عابر، پسابندگه امنیتی ادارهلر تامانیدن ییترلیچه امکانیت و کوچ یوباریلگنیدن خبر بیرهد. اونینگ ایتیشیچه، امنیتی کوچلر تیزلیککه مذکور تومنده طالبان نینگ قتهغن قیلیش اوچون هوایی بیر عملیات یولگه قوییش گه قرار قیلگن.
ایتیش کیرهک کیم، غور ولایتی نینگ پسابند تومنی آلتی ییل دن بویان طالبان گروهی نینگ اقتصادی قمراویده قالگن و بو تومن یشاوچیلری یامان وضعیت ده حیات کیچیرهدی.
