بغلان ولایتیده امنیتی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، بو ولایت قتناو یوللریده بولگن امنیتی پوستهلردن 15 تهسی سونگی آتیشمهلر باعث، تخریب ایتیلگن، بیراق ملی اردو و ملی پولیس کوچلری آرهسیده، اویغونلیک بولمهگنی سبب، قیتهدن قوریلمهگن.
بغلان ولایتی کینگش باشلیغی محمدصفدر محسنی نینگ ایتیشیچه، امنیتی کوچلر اینقسه پولیس کوچلری آرهسیده، اویغونلیک بولمهگنی باعث، طالبان جنگریلری بغلان قتناو یوللریده چک پاینت ایجاد قیلهدی.
عینحالده، بغلان پولیس قومندانی نیازمحمد نیازمند نینگ ایتیشیچه، امنیتی کوچلر اویغونلیک بیلن عمل قیلهدی و تخریب ایتیلگن پوستهلر تیزلیککه قیتهدن قوریلهدی.
بغلان ولایتیده ملی اردو 3- لوا قومندانی عباس توکلی، بغلان قتناو یوللریده ناتینچلیک بولگنینی تصدیقلیدی، بیراق تیزلیککه حربی بیر عملیات یولگه قویلیشینی بیلدیرهدی.
امنیتی منبعلردن بیرقطاری نینگ ایتیشیچه، ملی اردو خاص کوچلری کاروانی اوتگن کیچه قندوز تامان بارهدیگن بیرچاغده، پلخمری شهری نینگ خلازیی منطقهسیده طالبان کمینی بیلن روپهره بولیب نتیجهده ملی اردو خاص کوچلریدن 2 تهسی هلاک و باشقه 3 تهسی یرهلنگن دیر.
