میدانوردک ولایتی نینگ یشاوچیلری و ولایت کینگشی اعضالریدن بیرقطاری، مذکور ولایتده آمریکا کوچلری نینگ هوایی هجومیده 7 کیشی هلاک ایتیلگنیدن خبر بیریشگن.
میدانوردک ولایت کینگشی اورین باسری شریفالله هوتک نینگ سلاموطندارگه ایتیشیچه، اوتگن کیچه «صدمرده» منطقهسیده آمریکا کوچلری تینچ اهالی نینگ هوادن نشانگه آلگن و نتیجهده بیر عایله نینگ 7 اعضاسی هلاک بولگن.
جناب هوتک حکومت دن بو واقعهنی جدی شکلده تیکشیریب و تینچ اهالی قربانلری نینگ آلدی آلینیشینی سورهگن.
محل یشاوچیلریدن بیری زینالله نینگ سلاموطندارگه ایتیشیچه، اوشبو هوایی هجومده قربان بولگنلرنینگ برچهسی تینچ اهالی دیر. اونینگ ایتیشیچه، حکومت ده ایچکی و چیتایللیک کوچلرنینگ هوایی هجوملریده تینچ اهالی قربانلیگی نینگ آلدینی آلمهگن صورتده، اهالی نینگ جدی عکسالعملی گه روپهره بولیشی ممکن.
میدانوردک ولایتی نینگ محلی و خوفسیزلیک رسمیلری بو توغریده فکر بیلدیرمهیدیلر.
شونینگدیک، افغانستان بوییچه کیسکین حمایهوی کوچلرنینگ قومندانلیگی، حاضرگچه بو توغریده فکر بیلدیرمهگن.
شو توغریده…
میدانوردک؛ هوایی هجوم نتیجهسیده، 7 تینچ اهالی هلاک ایتیلگن
