افغانستان قیشلاقلرنی رواجلنتیریش وزیری، وزیر صفتیده ایشگه باشلهگندن بیری بو وزیرلیکده 80 % اداری فساد کمیگن دیگن.
اوشبو سوزلرنی مملکت قیشلاقلرنی رواجلنتیریش وزیری نصیر احمد درانی نینگ بوگون بلخ ولایتیده ایریم قیته قوریش لایحهلرنی آچیلیش مراسمیده ایتگن.
دهدادی ولسواللیگی عمومی یولی اسفالتلهنیشی، ملی بیرلیک لایحهسی بناسی نینگ تمل تاشی قوییلیشی، بلخ ولایتی خلم ولسواللیگده سوو توغانی ایشی باشلهنیشی کبی لایحهلر وزیرنینگ بلخگه قیلگن سفری جریانیده باشلنگن.
گزارشلرده ایتیلیشیچه، مذکور اوچ لایحهنینگ توپلم خرجتی 48 میلیون افغانی بولگن بو مبلخ ایسه وزیرلیک تامانیدن تولهنیلهدی.
انه شو مناسبت بیلن اوتکزیلگن ییغینده وسوزلهگن جناب درانی، وزیرلیککه تیگیشلی برچه بولیملرده اداری فساد یوق ایتیلیشی اوچون جدی ایکن لیگینی ایتگن.
شونینگدیک او افغانستانده ایلدیز آتگن اداری فسادنی تیزلیکده یوق قیلیش ممکن ایمس لیگیگه اشاره قیلگن.
عینحالده، مملکت قیشلاقلرنی رواجلنتیریش وزیری ایکینچیلیک وزیرلیگی هماهنگلیگی بیلن مذکور وزیرلیک بیرگه لیکده اوز لایحهلرینی عملگه آشیریش اوچون گپیرگن.
او، مذکور برنامه عملی ایتیلیشی بیلن دهقانلر همده چاروالرنی یخشی صورتده حمایت قیلیش ممکن دیگن.
افغانستان قیشلاقلرنی رواجلنتیریش وزیری کیلهجکده «شهروندلیک میثاقلرنی» ایجاد قیلیشدن خبر بیرگن.
مملکتدهگی نابرقرارلیکلر وزیرلیک نینگ عملگه آشیره دیگن برنامهلری اوچون جدی توسیق بولیب کیلگن لیگینی ایتگن وزیر.
او، افغانستان امنیتی ادارهلریدن لایحهلر عملگه آشیریلهدیگن ییرده خوفسیزلیک تامین ایتیلیشی اوچون جدی بولیشلرینی وسورهگن.
