افغانستان جمهور رئیسی محمد اشرف غنی، بوگون ایرتهلب زابل ولایتیگه بارگندن کیین امنیتی بیر ییغینده ولایت نینگ عمومی امنیتی وضعیتینی تیکشیرگن.
ملی اردونینگ لواسیده اویوشتیریلگن مذکور ییغینده زابل والیسی، قول اردو قوماندانی و ولایتنینگ امنیه همده ملی خوفسیزلیک قوماندانلری هم قتنشگن ایکن. دستلب زابل ولایتینینگ امنیتی مسووللری، عمومی امنیتی وضعیت و بو ولایتده افغان امنیتی و دفاعی کوچلرینینگ عملیاتی و دشمن تهدیدی توغریسیده جمهور رئیسگه معلومات بیریلگن.
عین حالده، بولر امنیتی قیینچلیکلر جملهدن تومنلردهگی امنیتی معمالر خصوصیده هم جمهور رئیس غنیگه گزارش بیریلگن.
مملکت جمهور رئیسی، امنیتی و دفاعی مسووللردن زابل ولایتینی تهدید ایتووچی مسئله عین دَمده دشمننینگ معین رقمی و امکاناتی خصوصیده انیق معلومات بیریشینی سورهگن. شونینگدیک، جناب غنی، شلمزی، نوبهار، اتغر، سیوری، ارغنداب، دای چوپان و میزان تومنلری امنیتی موضوعیگه کوپراق اعتبار قرهتیب و امنیتی وضعیت یامانلهنیش آلدی آلینیشی بارهسیده تاکید قیلگن.
شونینگدیک جناب غنی، مملکت مدافعه و ایچکی ایشلر وزیرلریگه زابل ولایتینینگ امنیتی ریجهسی توزیلیشی بارهسیده هم بویروق بیرگن.
شو کبی افغانستان جمهور رئیسی، زابل ولایتینینگ محلی مسووللریگه ولایت تومنلرینینگ ولسواللری و امنیه قوماندانلری هر تامانلمه تیکشیریلیب اوزاق ییللردن بیری ولسوال ینه امنیه قوماندان صفتیده وظیفه بجرگن کیشیلر اوزگرتیریلسین دیگن. دولت لوازملری میراثی ایمسلیگی حقیده اورغولهگن جمهور رئیس غنی، قوماندانلر تومنلر بویلب اهالی بیلن علاقهده بولیشی اولکهگه صادق و خذمت قیلیووچی کیشیلر بو لوازملرگه وظیفهلنتیریلیشنی ایتگن.
