طالبان گروهی بیر خبرنامه نشر قیلیب مذکور گروه گه قرشی سوداگرلیک ریکلاملرنی نشر قیلهدیگن میدیالرنی آگاهلنتیرگن.
مذکور گروه تامانیدن بوگون (دوشنبه، 3- سرطان) نشر قیلینگن خبرنامهده کیلیشیچه، کابل و باشقه ایریم ولایتلرده میدیالرنی بیرقطاریدن «سوداگرلیک ریکلام» نامی گه ریکلاملر ایشتیلهدی و بو ریکلاملر «جهاد، مجاهدلر و طالبان گروهی گه قرشی بولیب و اولرگه قرشی یشاوچیلر ترغیب ایتیلهدی.»
اوشبو خبرنامهده کیلیشیچه، «مملکتدهگی جاری جهاد آلدی آلینیشی اوچون شو میدیالردن استخباراتی شکلده فایدهلنهدی، یشاوچیلرنینگ فکری بوزیلهدی و دوشمن اوچون ایرکین شکلده جاسوسلیک فعالیتی قیلینهدی.»
خبرنامهده کوپهیتیریشیچه، اسلامی امارت نینگ حربی ایشلری کمیسیونی بوتون تلویزیونلر، رادیولر و باشقه نشراتی ادارهلرنی تیزلیککه «بو دشمنلیک عملدن» قول تارتیشلری خصوصیده آگاهلنتیرهدی.
طالبان گروهی نینگ حربی کمیسیونی بوتون میدیالرگه بیر هفته مهلت بیرگن و شونچه مدتده بوتون محلی رادیولر (افام و غیرافام)، تلویزیونلر و باشقه میدیالر بو ریکلاملرنی نشر قیلیشدن قول تارتمهگن صورتده، «اسلامی امارت مجاهدلری بو میدیالرنی میدیا صفتی گه ایمس، بلکیم دوشمن نینگ استخباراتی اویهلری صفتی گه تانیدی و مجاهدلر آرقهلی مرکز، ولایتلر، شهرلر و اطرافلرده حربی مقصد صفتی گه نشانگه آلهدی.
