بدخشان ولایتی کینگش اعضاسی عبدالله ناجی نظری نینگ سلاموطندارگه ایتیشیچه، مذکور ولایت نینگ خاش تومنیده ییرلشتیریلگن بیر ماین پارتلشی عاقبتیده «مزار» ناملی بیر محلی قومندان و 10 محلی عسکر هلاک ایتیلگن.
بدخشان پولیس قومندانلیگی سوزلاوچیسی ثناالله روحانی بو خبرنی تصدیقلب ایتیشیچه، اوشبو حادثه بوگون (شنبه 17- جوزا) ایرتهلب ساعت 1 اطرافیده خاش تومنی نینگ «درخان» قیشلاغیده مذکور قومندان آدملری بیلن امنیتی کوچلرنینگ یاردمی گه کیتهدیگن بیرچاغده یوزبیرگن.
اونینگ ایتیشیچه، بو ماین طالبان گروهی آرقهلی ییرلشتریلگن ایکن.
اونگه کوره، بوگون (شنبه 17- جوزا) ایرتهلب بدخشان ولایتی خاش تومنی نینگ درخان قیشلاغیده امنیتی کوچلر و طالبان گروهی آرهسیده آتیشمه باشلندی.
روحانی گه کوره، شونینگدیک مذکور آتیشمهده خاش تومنیده طالبان گروهی تامانیدن ناملنگن ولسوال حمید، ایکی قوروقچیسی بیلن هلاک ایتیلگن.
طالبان گروهی حاضرگچه بو توغریده هیچ بیر نرسه دیمهگن.
