ننگرهار محلی رسمیلری نینگ ایتیشیچه، مذکور ولایتده یوز بیرگن خودکش هجوم ده 9 کیشی هلاک و باشقه 12 کیشی یرهلنگن.
ننگرهار حاکمی سوزلاوچیسی عطاالله خوگیانی نینگ ایتیشیچه، اوشبو هجوم بوگون کیچ قورون جلالآباد شهری آلتینچی ناحیهسیده یوز بیرگن.
اونگه کوره، بو واقعهده بیر باله شامل 9 تینچ اهالی و حربی هلاک ایتیلگن و باشقه 12 کیشی یرهلنگن.
اوشبو واقعهنی تصدیقلگن ننگرهار پولیس سوزلاوچیسی فریدخان نینگ ایتیشیچه، خودکش هجومچی چپرهار تومنی محلی پولیس قومندانی نینگ موترینی هدف قرار بیرگن، بیراق آرتیقچه معلومات بیرمهگن.
چپرهار تومنی بوییچه اجتماعی کینگش باشلیغی ملک محکم نینگ ایتیشیچه، اوشبو هجوم ده چپرهار محلی پولیس قومندانی زمری 5 همراهی بیلن هلاک ایتیلگن.
اوشبو هجوم مسؤولیتینی حاضرگچه هیچ بیر گروه بوینیگه آلمهگن.
