فاریاب ولایتیده طالبلرنینگ هجوملری کوپهیگنیدن سونگ، کیسکین حمایهوی کوچلر، افغانستان خوفسیزلیک کوچلریگه یاردم بیریشگه حرکت قیلگن.
افغانستان خوفسیزلیک کوچلری اوتگن کونی کیسکین حمایهوی کوچلرینینگ یاردمی آرقهلی فاریاب ولایتینینگ المار تومنیده بیر عملیات یولگه قوییب، طالبان گروهیگه کوپینچه تلفات ییتیشتیرگن.
209 شاهین قول اردو قومندانلیگینینگ سوزلاوچیسی محمدحنیف رضایینینگ سلاموطندارگه ایتیشیچه، ناتو کوچلرینینگ هوایی هجوملری نیتجهسیده طالبان گروهینینگ 3 اونملی قومندانی و باشقه 30 جنگریسی هلاک ایتیلگن.
اونینگ ایتیشیچه، المار تومنیده طالبلر تامانیدن ناملنگن ولسوال ملاسرور، بو گروه قیزیل قطعهسینینگ قومندانی مولوی حبیبالله و قرغان تومنیده طالبلر تامانیدن ناملنگن ولسوالنینگ اورین باسری قاری ذکرالله هلاک ایتیلگنلر جملهسیدن دیر.
فاریاب حاکمینی سوزلاوچیسی جاوید بیدارنینگ ایتیشیچه، ناتو کوچلرینینگ هوایی هجوملری نتیجهسیده، طالبان گروهینینگ اعضالریدن بیرقطاری هلاک ایتیلیب و بو گروه نیچه مرکزی تخریب ایتیلگن.
فاریاب ملی خوفسیزلیک ریاستی مطبوعاتی مسووللرینینگ بیر خبرنامه آرقهلی ایتیشیچه، اوتگن ایکی کون جریانیده طالبلر قومندانلریدن بیرقطاری شامل 50 جنگریسی هلاک ایتیلگن.
طالبان گروهی هم چیتایللیکلرنینگ هوایی هجوملری نیتجهسیده قطار جنگریلرینینگ هلاک ایتیلگنی نی تصدیقلگن.
