تخار پولیس قومندانلیگی سوزلاوچیسی خلیل اسیر نینگ سلاموطندارگه ایتیشیچه، طالبان نینگ خالمحمد ناملی جنگریسی اوشبو ولایت نینگ دشتقلعه تومنیده پولیس تامانیدن قولگه آلینگن.
تخار پولیس قومندانلیگی سوزلاوچیسی نینگ کوپهیتیریشیچه، خالمحمد کندوز تاماندن آیسکریم ساتیش بهانهسیده امنیتی کوچلرنینگ جایلرینی کوریب چیقهریکن و کیچه تاماندن طالبان قطاریده امنیتی پوستهلر اوستیگه هجوم قیلهریکن.
جناب اسیرنینگ ایتیشیچه، خالمحمد بیرینچی تحقیقاتلرده طالبان قطاریده فعالیت قیلیشنی قبول قیلگن.
تخار یشاوچیلری نینگ سلاموطندارگه ایتیشیچه، طالبان جنگریلری کندوز تاماندن اوشبو ولایت نینگ بازارلریده شغللنهدی، بیراق کیچه تاماندن امنیتی کوچلرنی هجوم آستیگه قرار بیرهدیلر.
تخار یشاوچیلری نینگ امنیتی و استخبارتی ادارهلردن تنقید قیلیب ایتیشیچه، اوشبو ادارهلر شبههلی کیشیلرنی تانیش خصوصیده کوچسیز دیر.
تخار، مملکت شمال-شرقیده جایلشگن ولایتلر جملهسیدن دیر و سونگی ییللرده طالبان نینگ اوشبو ولایتدهگی فعالیتلری کوپهیگن.
