هرات حاکمی سوزلاوچیسی جیلانی فرهادنینگ ایتیشیچه، هرات ولایتینینگ گذره تومنیده جایلشگن «کورت» منطقهسیده، ملا رسول شاخهسی قومندانی منان نیازی گروهی گه تیگیشلی کیشیلر بیلن ملاهبتالله شاخهسی جنگریلری آرهسیده آتیشمه یوزبیرگن.
اونگه کوره، مذکور آتیشمهلرده ایکی تاماندن 40 کیشی هلاک ایتیلگن.
هرات ولایتی کینگشی نینگ خوفسیزلیک کمیته باشلیغی وکیلاحمد کرخی نینگ ایتیشیچه، یوزبیرگن آتیشمهده ملارسول شاخهسی قومندانی ملامنان نیازی جنگریلریدن 32 تهسی و ملاهبتالله جنگریلریدن 5 تهسی هلاک ایتیلگن.
اونینگ کوپهیتیریشیچه، شونینگدیک مذکور آتیشمهده، ملامنان نیازی جنگریلریدن 5 تهسی و ملاهبتالله جنگریلری 1 تهسی تنجراحتی کوتارگن.
شونینگدیک طالبان بیرخبرنامه ترقهتیب ایتیشیچه، اوشبو گروه اعضالری هرات ولایتی نینگ گذره تومنیده جایلشگن مردمی کوچلرنینگ بیر پایگاهی نی نظارتگه آلیب و 30 کیشی نی اولدیرگنلر.
شو توغریده:
