افغانستان تشقی ایشلر وزیرلیگی نینگ سوزچیسی سراج الحق سراج سلام وطندار گه بولگن صحبتیده افغانستان، چین و پاکستان دولتلری اورته سیده ییغین بولیب اوتگن لیگینی ایتگن. ییغینده چین دولتی افغانستان عالی تنیچلیک لایحهسی اوچون همکارلیک قیلیشنی بیلدیرگن. ییغینده افغانستان تشقی ایشلر وزیرلیگی نینگ اورین باسری حکمت خلیل کرزی، چین تشقی ایشلر زویرلیگینینگ معاونی لیوجیانچاو و پاکستان تشقی ایشلر وزیرلیگینینگ اورین باسری احمد چوهدری اشتراک قیلگن. عین حالده، مملکت تشقی ایشلر وزیرلیگی آرقلی ترقه تیلگن خبرنامهده کیلیشیچه، اوچله دولت نینگ بلند مرتبهلی رسمیلری منطقه و افغانستانده برقرارلیک اورنه تیلیشده دایمی همکارلیک قیلیشده وعده بیرگنلر.
ییغینده چین و پاکستان دولتلریدن بو توغریده عملده آدیم کوتاریشلری سورهلگن. افغانستان دولت رسمیلری، تینچلیک اورنه تیلیش اوچون چین و پاکستان نینگ ییریک تاثیری بارلیگی باره سیده تاکیدله گنلر. بوندن نیچه وقت آلدین طالبلر رهبرلری نینگ ایریملری چینگه قیلگن سفرده بو مملکت بلند مرتبهلی مسؤوللری بیلن اوچرهشیب ملاقات قیلگن لیکلری ایتیلگن ایدی. اما، چین طالبلرنینگ مذکور ادعاسینی رد قیلگن. عین حالده، افغانستان عالی تینچلیک کینگشی چین نینگ افغانستان تیچ لیک لایحهسی اوچون همکارلیک قیلیشی ضرور و حمتی لیگی حقیده اورغولهگن. مذکور کینگشگه کوره، بو خصوصده چین دولتی ایجابی رول اوینه آلیشی انیق. تحلیلچیلر، چین دولتی پاکستان بیلن یخشی مستحکملنگن علاقه گه ایگه، انه شو سبب بو مملکت تینچلیک مذاکرهلر عملده باشلنیشی اوچون پاکستانگه باسیم اوتکزه آلهدی.
