غور ولایتی کینگش اعضالری و لعل و سرجنگل تومن یشاوچیلریدن قطاری نینگ ایتیشچه، طالبان گروهی بیر هفتهدن بویان بو ولایت هزارهلریگه مذکور گروهدن حمایت قیلمهگن صورتده، هلاک ایتیلیشلری توغریسیده آگاهلنتیرگن.
غور ولایتی کینگش اعضاسی محمد مهدوی، غور ولایتی لعل و سرجنگل تومنی نینگ چیگرهیی منطقهلریده طالبان گروهی نینگ کینگ فعالیتیدن خواطر بیلدیریب ایتیشیچه، طالبان گروهی اهالیدن عشر و زکات تولهش گه علاوه مذکور گروه گه قتنهشیشلرینی سورهگن و بولمهگنده هلاک بولیشلری ممکن.
جناب مهدوی بو ولایتده امنیتی کوچلرنینگ آزلیگی و مدیریت سیزلیکدن خواطر بیلدیریب ایتیشیچه، دولت بو منطقهلرده توجه قیلمهگن صورتده کوپینچه انسانلر هلاک ایتیلیشی ممکن.
اونگه کوره، ینگیلیکده طالبان گروهی جنگریلری مذکور تومن نینگ سرجنگل منطقهسیده بیر کیشی نی اولدیریب و باشقه بیر کیشی نی یرهلنتیرگن. اونینگ کوپهیتیریشیچه، بو گروه جنگریلری باشقه بیر کیشی نی اوزلری بیلن آلیب کیتگن کیم اونینگ تقدیریدن حاضرگچه بیر خبر قولگه کیلمهگن.
شونینگدیک غور پولیس قومندانلیگی نینگ مطبوعات دفتری سرپرستی عبدالسمیع نژاد نینگ ایتیشیچه، مذکور تومن نینگ ۶ چیگره قیشلاغی طالبلرنینگ تهدیدی آستیده دیر.
غور امنیتی رسمیلری و محلی اداره مسئولری اوشبو ولایت یشاوچیلری نینگ ادعاسی توغریسیده حاضرگچه هیچ بیر نرسه دیمهگن.
لعل و سرجنگل تومنی غور مرکزی نینگ ۱۵۰ کیلومترلیگیده قرار تاپگن و بیرار پیت طالبان بو تومنده هجوم قیلیشهدی.
طالبان بو توغریده سوزلش گه حاضر بولمهگن.
