209 شاهین قول اردو قومندانلیگی مسووللری نینگ ایتیشیچه، اوتگن بیر کیچه و کندوز ده طالبان جنگریلریدن 78 تهسی بلخ، فاریاب و سرپل ولایتلریده هلاک ایتیلگن.
بوگون "جمعه" 209 شاهین قول اردو قومندانلیگی سوزلاوچیسی محمدحنیف رضایی نینگ ایتیشیچه، امنیتی کوچلر و طالبان آرهسیده یوز بیرگن آتیشمهلر نتیجهسیده، طالبان جنگریلریدن 78 تهسی هلاک، 32 تهسی یرهلنیب و باشقه 3 تهسی قولگه آلینگن.
جناب رضایی نینگ کوپهیتیریشیچه، امنیتی کوچلر و طالبان آرهسیده یوز بیرگن آتیشمهلرده اوشبو گروه 4 قرارگاهی، 5 توپلهنیش مرکزی و بیر باج آلیش جای نابود قیلینگن.
209 شاهین قول اردو قومندانلیگیگه کوره، مذکور آتیشمهلر جریانیده طالبان گروهیگه تیگیشلی بولگن 15 عراده انتقال بیرووچی وسایط و بیرقطار قورال و اوق امنیتی و دفاعی کوچلر قولیگه توشگن.
ایتیلیشیچه، اوشبو واقعهدن تینچ اهالی زیان کورمهگن.
طالبان گروهی حاضرگهقدر جنگریلری نینگ هلاک ایتیلگنی خصوصیده صحبت قیلمهگن.
