پکتیکا ولایتیده اوچ مکتبنی اوستیگه دولت گه قرشی قروالی گروهلر تامانیدن قورالی هجوم اویوشتیریلگن.
پکتیکا معارف ادارهسینینگ باشلیغی مهرابالدین شفقنینگ سلاموطندارگه ایتیشیچه، قورالی گروهلر مذکور ولایت مرکزیده حضرت بلال، خواجهخیل و سیدجلال بخاری اسملی مکتبلرنی هجوم آستیگه قرار بیرگنلر.
جناب شفقنینگ ایتیشیچه، هجومچیلر بیرینچیدن مکتب قورقچیلرینی چیقاریب و اوندن سونگ ماین و راکت بیلن مکتبلرنی نشان آلگن. اونینگ ایتیشیچه، مذکور مکتبلرنینگ بوتون ایشیگ و کیلکینلری تخریب ایتیلگن.
پکتیکا ولایتی کینگش باشلیغی بختیارگل همتنینگ ایتیشیچه، امنیتی کوچلر آرهسیده هماهنگلیک بولمهگنی باعث اوشبو واقعه یوز بیرگن. جناب همت گه کوره، افغانستان خلقینینگ دشمنلری بالهلرنینگ تعلیماتدن محروم قالیشی اوشبو سعی و حرکت قیلهدی.
عینحالده، پکتیکا خوفسیزلیک آمری عبدالحمید امرخیلنینگ ایتیشیچه، اوشبو ولایت خوفسیزلیگی باشقه ولایتلرگه قرهگنده تامین دیر، بیراق مکتبلرگه صورت تاپگن هجومنینگ جدی صورتده تیکشیریلیشی کیرهک.
