اسلامی حزب اعضالریدن بیرقطاری، افغانستان حکومتینینگ برابریده حربی حرکت و قوراللی فعالیت قیلگنلری سبب قولگه آلینیب قماققه تشلنگن ایدی و کیلهجک هفته قوییب یوباریلیشلری ممکن.
سلاموطندار بیلن صحبت اوتکزگن اسلامی حزب سوزلاوچیسی حشمتالله ارشدنینگ ایتیشیچه، ملی بیرلیک حکومت و اسلامی حزب آرهسیده قول قوییلگن کیلیشوو اساسیده، اسلامی حزب اعضالریدن 69 کیشی مملکت قماقخانهلریدن قوییب یوباریلهدی. اسلامی حزب سوزلاوچیسینینگ ایتیشیچه، حکومتنینگ بو ایشی اسلامی حزب بیلن حکومتنینگ تینچلیک کیلیشووی توغریسیدهگی قیین چیلیگی حل ایتیلیشیگه سبب بولیب و کیلیشوو منفعتی عملی بولیش ایشینی چقانلشتیرهدی.
جناب ارشدگه کوره، اسلامی حزبنینگ محبوسلری، اوشبو هفته جریانیده قوییب یوباریلیشی خصوصیده قرار قیلینگن ایدی، بیراق ایریم قیینچیلیک سبب بو قرار کیلهجک هفتهگه قالگن.
ارشدنینگ کوپهیتیریشیچه، اسلامی حزب رهبری گلبدین حکمتیار افغانستانده دیر و اوشبو حزبنینگ محبوسلری قوییب یوباریلگنیدن کیین، میدانگه چیقهدی.
جناب ارشدگه کوره، حکمتیارنینگ خوفسیزلیگینی تأمینلش اوچون فنی تعلیمات کورگن 3 یوز عسکر تعیین ایتیلهدی.
شونینگدیک، حکومت رسمیلری، کیلهجک 15 کونده حکومت و اسلامی حزب آرهسیدهگی کیلیشوو عملگه آشیریلیشی خصوصیده، تیارگرلیک آلینگنی توغریسیده سوز یوریتیب و شونچه مدتده کیلیشوونی برچه مادهسی عملگه آشیریلیشینی بیلدیرگنلر.
سلاموطندار بیلن صحبت اوتکزگن حکومت و اسلامی حزب آرهسیدهگی تینچلیک کیلیشوونی تطبیق ایتیش کمیسیون سوزلاوچیسی احمد فرزامنینگ ایتیشیچه، تینچلیک کیلیشوونی بیر قسمی جملهدن حکومتگه قرشی اوروش و حربی حرکت توختهتیلیشی اسلامی حزب تامانیدن عملگه آشیریلگن و حکومت ایسه، حکمتیار کیلگنیدن کیین، تینچلیک کیلیشوونی برچه مادهلری تطبیق ایتیلیشینی کوتهدی.
جناب فرزامگه کوره، هر بیر محبوسگه بیر تضمین خط حکومت تامانیدن و بیر تضمین خط اسلامی حزب تامانیدن بیریلهدی و بو تضمین خطلر اساسیده، هر بیر محبوس اساسی قانون، نافذه قانونلری و کیلیشوو مادهلرینی تَن آلهدی.
تینچلیک کیلیشووی 3 فصل و 25 ماده ده اوروش و زورهوانلیک یکونلنیشی و تینچلیک و برقرارلیک تأمینلنیشی نیتیده اوتگن ییل، حکومت و اسلامی حزب آرهسیده امضالنگن ایدی.
