بامیاننی کوکلم و بلند تاغلری مهاجر و آز تاپیلهدیگن قوشلر اوچون تینچ ییر سنهلهدی. آز تاپیلهدیگن کته و کیچیک قوشلر یاز موسومیده بامیان شهریگه کیلهدی و بومی قوشلر اولرنی کوتیب آلهدی. بیراق قناتلریگه اورهدیگن غبارلر تازهلنمسدن آوچیلرگه روپهره بولهدی.
قوش آوچیلری، قوللریدهگی توزاغلر و قوراللری بیلن تاغلرده پیستیرمهگه توریب گوزل و آز تاپیلهدیگن قوشلرنی کوتهدی. بو قوشلرنینگ گوزللیگی و چیرایلی سیسلری جانلریگه بلا بولهدی. گوزل قوشلر سیسی و هوا زوزهسی بامیاننی کوککه ییتهدیگن تاغلری و کوکلم دلهلریگه، آوچیلر اوقینی سیسی بیلن طبیعت تیزیمینی برهم اورهدی. بو بامیانده هر بیر یاز موسوم داستانی دیر.
بامیان مدنی فعاللری سونگی کونلرده، بیر سفر جریانیده بند امیر باریب، منطقه یشاوچیلری بیلن سوزلشگن، اولرگه کوره، نه فقط آز تاپیلهدیگن قوشلر نسلی نابود بولماقده، بلکیم بند امیر بلیغلری هم، بلیغ آولش باعث نابود بولگن. اوشبو فعاللرگه کوره، ملی پارکنی کوپینچه بلیغی، کیچه تاماندن ناقانونی شکلده آولنیب و ساتیش اوچون باشقه ولایتلرگه یوباریلهدی.
بامیان اداری فسادگه قرشی کورهشیش کمیته مسؤولی عبدالله شایگاننینگ ایتیشیچه، حکومت تامانیدن بلیغ آوچیلرینینگ آلدی آلینمهی، «باز» و «باشه» دیک آز تاپیلهدیگن قوشلر آولنیشی نظارت بولمهگن صورتده، بامیان دینگیزچهلری بلیغسیز و تاغ و دلهلری قوشسیز قالیشی ممکن.
شونینگدیک بامیان یشش محیطیگه طرافدار اویوشمه عضوی ظهیر احسانینینگ سلاموطندارگه ایتیشیچه، آز تاپیلهدیگن قوشلر قاچاقی و بند امیر بلیغی آولنیشی طبیعتنی برهم اوریب، دلهلر کوکلملیگی و تاغلر خرم لیگینی کمهیتیریب، دینگیزچهلرگه زیان ییتکیزگن. جناب احسانیگه کوره، بامیاننی چیرایلی طبیعتی، مذکور ولایت ارزشلی نرسهلریدن بولگن. بیراق، قطار کیشیلر بامیان طبیعتینی عایداتی منبعگه اوزگرتیرگن و اوشبو ولایتنی طبیعی سرمایهلریگه ارزش قایل بولمهیدی.
شوندهی حالده، بامیان یشش محیط باشلیغی محمدشریفگه کوره، حاضرگه قدر 40 تورلی آز تاپیلهدیگن قوش و سوت بیرووچی جانور سقلنهدیگن حیوانلر رویخطیگه آلینگن. مملکت جمهور رییسی بویروغیگه کوره، حیوانلر اینیقسه نایاب قوشلر آولنیشی مملکت بویلب ناقانونی دیر و سقلنهدیگن حیوانلر آولنیشی جرم سنلهدی.
بامیانده آز تاپیلهدیگن قوشلرنینگ آوچیسی، ماللرینی مملکتدن تشقری، پاکستان و امارات مملکتلری گه آلیب باریب ساتهدی. بامیان پولیس قومندانی جناب لگزیگه کوره، جاری ییل جریانیده اولر بیش آوچینی توتقونگه آلگن؛ اوشبو آوچیلر اون قطعه باشهنی مملکتدن تشقری جهانی بازالرگه ساتیش خصوصیده قصد قیلگن ایکن.
